أنا عاوز أقولك يامايا
كلام كتير جوايا
إن السكوت مش هايفيدك
والحاله دي لسه في أيدك
العالم هايص يوم عيدك
وأنتي باقيه في حديدك
وولادك تاهوا في الرجلين
شمال.....ويمين
ورؤسائك متحكمين
والشكوي بس لمين
ياما قولي..ياما قولي
ساكته ليه من سنين
دا ولادك محرومين
وأنتي غاليه
وترابك عطر ورياحين
قولي يابهيه..قولي يابهيه
علي صوتك..إصرخي
دا ولادك طيبين
وأنتي شاهده ع الأنين
ساكته يامه سنين وسنين
لما وصلوا التلاتين
مستنيه ياضي العين
يروح شبابك في الرجلين
ليه يابهيه..ليه يابهيه
دا أحنا الباقين..أحنا البانين
أحنا الجاين
مستنين والقلب حزين
والنزف فايض جوه العين
مقهورين. مكسورين. مجروحين
م الحكام والسنين
أه يامه..أه يامه
والدوا في أيدين مين
الدوا في أديكي أنتي
أنهضي قبل السنين
ماتعدي
ونعود تاني في الدايره
مقفولين
ننجرح ..وننحرم
ونقول أمين
مانشوف حنين
نفضل جوه في الزنازين
يلا يامه..يلا يامه
إبدئي التلحين
وإحنا وراكي
نقول أمين
من دلوقتي
ليوم الدين
أه..أه ياولادي
ياولاد مصر الطيبين
شعر ::وفاء الزيني