بقلم الشاعرة نيرمين حكيم متابعة الشاعر والصحفي أحمد المنسي
سبت العالم وجيتلك تاني بالرغم اني كنت اناني كنت ضايع في سكك كتير واستحالة تقبلني وانا واحدة ضئيلة اهتميت بنفسي وشهواتي وكنت بجري وراء لذاتي حتي كمان عشرتي معاك ضاعت بسببي في الهالك -وكنت بجري وبعافر لحاجات كتير ندمت عليها في الاخر وابليس فضل يحاربني وبكل قوة عنده خلاص يارب وقعني وفضلت في الخطايا مغروس وابليس بيدوس ويدوس واستسلمت للخطية يا ابويا وقلت خلاص مفيش رجوع للتوبة ده كل اللي حوليا كرهوني حتي اللي افتكرتهم بيحبوني وبعدت يارب عنك ونسيت كمان حضنك ونسيت حنيتك ليا ونسيت طبطبتك عليا ده أنا التايه في العالم التاني أنا العايش في الأرض وحداني ده أنا اللي عايشة حياتي في مرار في بعدي عنك أنت يا بار وامسحلي يارب ذنبي لأن مفيش غيرك سندني أيوه أنا اللي عرفت غيرك ونكرت يارب خيرك لكن أنت قبلتني ويارب رجعتني تاني رجعتني يا حبيبي ابنك اللي منقوش علي كفك ورجعت فرحتي ليا وكمان عطتني أحلى عطاء عطتني الحب والسلام وعطتني الراحة والامان وبعدت رسالتي يارب ليك وسبت العالم الفاني ومسكت أنا في ايديك بقلم نرمين حكيم ❤
