قصيدة تحت الارض
2017
كلمات/ أيمن البكري
تحت الارض
ناس كانوا ذينا عايشين
فيهم إل كان مقضيها ب الطول والعرض
معندوش لا أخلاق ولا دين
وإل عايشها ف طاعة الله
مابيفتهوش لا ثواب ولا فرض
ليل ونهار بيدعي يارب
وملايكه من حواليه بترد أمين
كان فيهم الظالم وفيهم العالم
وإل بيفتي من غير علم
كان فيهم الطيب
وإل ماليه لؤم وغدر
وكلهم راحوا لل أخره
وف الاءخره مافيش غير عدل
وياما ناس أحياء لاكن عايشين تحت الارض
كل حاجه جواهم مكسوره
أحلامهم وأمالهم مبتوره
مهما حاولت أتكلم عنهم
عمري ما هقدر أوصف نفس الصوره
عارف لما تحس إنك عاجز
ناس كتير حواليك
بس مابيبنك وما بينهم مليون حاجز
لما تحس إنك غرقان ف بحر دموع
لما يذلك ويهينك الجوع
لما تحس إنك أخرص لا بتتكلم ولا بتشوف
لما يقتلك طعم الخوف
لما الحق مابينا يضيع
تتحول الناس لسلع
إل يشتري وإل يبيع
وإنت ياشاطر بعت بكام
طول عمرك ندل مالكش أمان
قلبك مات وإتعدمت من الاءحساس
بس كمان مابقتش تشوف
هو يموت علشان يحميها
وإنت تبيعها وتغدر بيها
بقا ب الذمه مش مكسوف
تحت الارض
ناس كانت هوايتها تجيب ف سيرة الناس
غيبه ونميمه وخوض ف العرض
إل بياكل وإل بيشرب وإل بيتوا هيخرب
وإل حلموا إتهد
وإل إتسبب وإل إتقندل وإل إتهبب
شوف دلوقت بقم قين
لو كانوا عملوا حساب لسؤال ملكين
ما كنوش جابوا سيرة حد
تحت الارض
ناس ما كنتش بتعمل حساب للمكتوب
كل حاجه عندهم ماشيه بخطه
إل بيجري علشان مال
وإل بيحارب علشان سلطه
والمتغندر إل تلاقيه علي طول متكبر
شايف نفسوا سعادة البيه
وإل ربنا بيبتليه فبيصبر
وإل خايف من كل حاجه حواليه
عمرك ما هتفضل علي طول غالب
وإسمع كلمه قالوها زمان
يابخت من بات مغلوب
ومهما إن كان صبرك
إنما للصبر حدود
ومحدش فينا دلوقتي يشبه أيوب
عندك تركه وعندك قصر
مهما لبست حرير
ومهما أكلت ومهما شربت
مسيرك يوم هتكون وجبه
هيأكلها الدود
لو ضليت الطريق
دور علي إل يدلك
ياما هتقابل ناس كارهاك
وبيكرهوا حتي ضلك
مهما الدنيا حواليك إسودت
مهما إشتالت مهما إتحطت مهما إتهدت
إحمد ربنا
وخليك دايما" متمسك ب الاءمل إل فاضلك
