ناس كتير متجمعين
من الشرق ومن الجنوب ومن الشمال ومن اليمين
علي كل شكل وكل جنس وكل لون
الندل والطيب والخاين والاءمين
وإلي بيدور علي بنت يعدي بيها وردية اليل
وإلي بتكلم كام واحد في وقت واحد وكل واحد مفهماها
إنوا الوحيد إلي في حياتها وكلهم مسدئين
وإلي هارينا منشورات كلها عن تفاصيل حياتوا
دلوقتي بشرب دلوقتي بأكل
أنا قاعد أنا واقف أنا رايح أنا جأي أنا مسافر
وإلي عايش في دور مش دوره
عشان يرضي بيه غروره
وإلي بيعوض نقص عنده
فبيهرب من الواقع لعالم تاني كلوا وهم مالهش أخر
وإلي بينتحل شخصية ممثل ولا مطرب ولا شاعر
والمؤمن إلي بيستغلوا في نشر الدعوه والحكم والمواعظ
وهتلاقي بردوا الملحد والكافر
وإلي بينشر كل شئ خارج وسافل
علي الفيس
هتلاقي إلي ناشر مسافر إلي العريش
وإلي يستمع قصيده للهويس
وإلي بيعظم في الجيش
وإلي بيشتم في الرئيس
وإلي بيقول داه كلب إبن كلب
وعلي إيديه بقينا مش لاقيين حتي الرغيف
الدولار بقا سعروا نار
والجنيه مبقاش يجيب أي شئ
وإلي شايفوا شئ عظيم أحسن زعيم
بيقول ياعالم من غيروا كنا هنوصل لفين
ماشفتوش سوريا واليمن والعراق
وإلي عملوه داعش فيهم
إنما إحنا يدوب حبة إرهابيين وإنتصرنا عليهم
وإلي مالوش في السياسه
مابيمشيش غير في طريق النجاسه
بنت بيضه بنت سمره
أي حاجه حلوه قمره
يبتدي معاها ب الكتابه
والكتابه تجيب مكالمه
وحده وحده تفتحلوا الكاميرا
إلي ذي دول مش محتاجين شيطان
جوه منهم مية شيطان
علي الفيس
هتلاقي شاب عامل نفسوا بنت
وبنت عامله نفسها ولد
ماسمعوش وماعرفوش
إن لعنة ربنا علي المتشبهين من النساء ب الرجال
والمتشبهين من الرجال ب النساء
ولا إحنا بقينا في زمن الوباء
الفيس سلاح ذو حدين
هتلاقي المنحطين والسفهاء والسافلين وأعداء الدين
وهتلاقي المحترمين والمثقفين والمؤدبين والمتدينين
إختار طريقك وإمشي فيه
وإلي هتعملوا هتلاقيه...........
