أم العرب

الشاعر  احمد ابراهيم النجار

حقك عليا يا كل اللي ليا 
بحبك وبس 
واقرب في حضنك واهجر حدودك 
والعن سنينك وارجع واجيلك 
بقلبي اللى حس 
بشوقي وحبي 
بحبك يا بلدي بحبك يامصر 
ببعد واغرب واقول اني ههرب 
والقي عيونك بتنده عليا 
وارجع في حضنك وانسي الهموم 
في حضنك والوم 
واقولك كفاية وانده شروقك 
ولحظة ربيعك وارمي الأسية 
يا كل اللى ليا بحبك يامصر 
وافرش زهورك 
ربيعك يخضر يطرح ولاد 
قدرة وهتقدر تخطي الصعاب 
وطايله السحاب 
وترفع رياتك وعزك ومجدك 
شهامة ولادك ووقت العناد 
بتكسر صخور 
تهدم حصون 
وتعبر بحور 
وتصنع وتزرع بأيد الشباب 
وتكتب تاريخك 
وترسم طريقك برغم الصعاب 
يا ام المداين 
وام العرب شعبك وتد 
وحامي الديار 
وزارع خضارك وجايب نهارك 
تعيشي يا مصر 
تعيشي مصر 
تعيشي يا مصر