بعد اختفاء قسري ٦ أيام ،الداخليه اعلنت تصفيته منذ قليل هو وابن عمته !
سهيل كان عنده ٢٠ سنه من دمياط و عامل حادثتين في سنه واحده ومركب شرايح ومسامير ومتبهدل يعني مكنش يتحمل اي تعذيب ، سهيل اخوه حنظله معتقل يعني لما يروحله خبر استشهاد اخوه اللي مشفهوش ، يا وجع القلب !
سهيل كان في رحله مع اصحابه واتقبض عليه كان بيكلم اخته قبل مايدخل علي الكمين ومن ساعتها تليفونه مش بيرد والنهاردة قالولهم مات !
قتلتوه ليه عمل ايه ، ده منظر ارهابي ، يا قلب امك !!!ده مش الاول ولا الاخير لسة في تاني...
سهيل اللي اتصفى من شويه اخو المعتقل حنظله واحد اتصفى معاه اسمه زكريا ندا ده بيكون ابن عمته !
سهيل كان طالع رحله هو وابن عمته قبضو عليهم من ٦ أيام والنهاردة اعلنو تصفيتهم ، يعني بتصفو اتنين من العيله ف وقت واحد ، اه ياوجع القلب 
ولسة من شوية صغيرين الداخليه تعلن تصفيه ٦ النهاردة منهم ٢ من دمياط :
1. سهيل أحمد أحمد أحمد الماحى طالب عنده ٢٠ سنه من كفر البطيخ ...
2. زكريا محمود زكريا ندا ٢١ سنه من كفر البطيخ ....
3.سلامة سعيد كامل عطا مدرس من الغربية
4.محمد كمال مبروك عبد الله طالب كليه زراعه عنده ٢٤ سنه من البحيرة
_______________________
عبده سرور طالب عنده ٢٠ سنه مختفي قسريا من يوم الاحد ، والده معتقل من سنة و شهرين و عمه معتقل و محكوم عليه ب١٥سنة !
عبده من دمياط خرج يصلح الموبايل لاخته فاعتقلوه ، عبده عنده ٣ اخوات بنات واخ صغير وهو الكبير وكان شايل مسؤليه البيت !
عبده مش مجرم ولا ارهابي ، عبده فين ، انشرو عنهم موتو من الرعب عليهم !_________________
عمر طالب عنده ١٨ سنه ، اعتقل من العاشر بقاله يومين ....
والاقسام بتنكر وجوده ومش عارفين عنه حاجة....
عمر عادل فين ، انشرو عنهم موتو من الرعب عليهم ...
ده واحد من اللي الداخلية ناشرة صورهم بعد ما قبضت عليهم بتهمة "التحريض على العنف وزرع قنابل بجوار المنشآت العامة"
اللي في الصورة يبقى الأستاذ الدكتور مجدى حسين عبدالتواب ، الأستاذ بكلية العلوم جامعة المنيا ر حاصل على الدكتوراة من جامعة هيروشيما باليابان عام 2002 ، له أكثر من 70 ورقة بحثية في مجال النباتات ومعروف على مستوى العالم ، و اللي جنبه دكتور في كلية الهندسة .
افضل ناس ف السجون ، اللهم اخسف بالظالمين الارض !
قصه المعتقل عباس اللي جاب ٩٧% في الثانويه العامه ))
اعتقل يوم ٥-٧-٢٠١٣ هو ووالده ،ده غير ان اخوه احمد كمان معتقل، كان بيعاني من تضخم في عضله القلب والكبد والسكر وارتفاع في ضغط الدم !
عباس لما اعتقل مكنش كمل 18 سنه فراح الاحداث ، وفجاة اتغرب أحمد أخوه لسجن وادي النطرون أصبحت والدتهم بتزور عمو محمد في البرج وأحمد في وادي النطرون وعباس في العقابيه !
حصل واتحكم في القضيه والده عمو محمد وأحمد اخوه ، اخدوا 10 سنين وعباس كان قاصر القضيه اخد 7 سنين
عباس كمل 18 سنه وبعد محاولات شتى اخيرا حصل وجمعوا التلاته في سجن واحد وأخيرا أتاحت الفرصه لعباس أنه يدخل 3 ثانوي وبالفعل كان عنده اصرار يجيب مجموع الصيدله برغم ظروف الاعتقال وبرغم كل التضيق قدر يذاكر ويجيب المجموع
وبرغم المذكرات اللي كانت مره تدخل ومره تترمي في وش اهله ومره تتهرب وكأنها مخدرات ، عباس تفوق ))
د. بسمه زوجها اخد احاله للمفتي يعني اعدام ، خرجو بقى د بسمه لاولادها !
د. بسمه قالت للقاضي هددوني بالاغتصاب عشان كده
اعترفت !!
بسمة رفعت عندها طفلين سلمى ٥ سنين ويوسف طفل رضيع !
د. بسمة بتقول طفلي الرضيع لم يعد يعرفني ولم يعي انني أمه وينظر إليَّ كل مرة وكأن عيناه تعاتبني ( أين ذهبتي وتركتيني ؟! )
وطفلتي ذات الخمس أعوام دخلت عامها الدراسي ولست معها
ولم يوجد من يرعاهم غير أبي وأمي اللذان يتعدا عمرهم 72 عاما, فزوجي أيضا محبوس على ذمة نفس القضية يمكث في سجن الموت ( سجن العقرب ). !
من فترة بعتت لبنتها ف يوم ميلادها ( يعلم الله كم يتمزق قلبي كل ليلة على فراقكما أنتي و أخيكي يوسف رضيعي الصغير الذي حرموني منه ولم يتجاوز عمره أشهر ، حرموني أن أراه وهو يكبر أمام عيني ، وهو ينطق كلماته الأولى ، وهو يتعلم أشياء جديدة !!
كم تمنيت يابنتي ف يوم ميلادك أن أكون بجوارك الآن أضمك إلى قلبي و أطبع على جبينك الوردي قبلة و أحمل بين يدي هدية جميلة مثلك لكن سامحيني ابنتي حبسني الأسر )
المعتقله الدكتورة بسمة رفعت تعاني من تعب شديد بالقلب، وتم عمل اشعة مغناطيسية بمستشفي السجن
وكانت النتيجة ارتخاء بالعضلات
انشرو عن احمد ،احمد معرض للتصفيه احمد معتقل ولحد امبارح كان بيكلم صاحبه وميعرفش انه معتقل وبيسأل اسأله غريبه وعرفو انه مش طريقة كلامه وشكو ان فيه حد معاه
فطلبو منه صور ليه بعتلهم الصوره اللي عالشمال واللي واضح انها ف امن الدوله ومضروب في وشه ومتبهدل وعينه اليمين متبهدله !
الصورة التانية لأحمد أبو راشد اللي اتصفى من فترة واللي بردو أهله طلبوا منه يتصور فاتصور الصورة دي ، نفس المكان !
و الغريب ف الموضوع انه بيرد متاخر وكان بيبعت مقاطع صوت بالكتير ثانيتين يقول فيهم عاملين اي وحشتوني
احمد كان بيسأل اسألة غريبه جداً وم الواضح ان الباشا الظابط هو اللي ماسك التليفون
أمن الدولة بتتعمد تظهر الموضوع طبيعي وإنهم بخير.. الاتنين متصورين بنفس الطريقة عشان يطمنوهم إنهم في شقتهم عادي، كل أسرة هتعرف من تعبيرات وش ابنها لو كان طبيعي ولالا زي ما أسرة أبو راشد عرفت من ابتسامته المصطنعة اللي أجبروه عليها
احمد متعرض انه يتصفى ويتقتل في اي لحظة اقسم بالله وهيطلعوا يقولوا تبادل نيران وده الصور اللي الظابط بعتها عشان يقول ان احمد بخير وبره مش في امن الدولة
ياريت كل اللي يشوف البوست ينشر عن احمد قبل مايحصلوا حاجه ويقولك اتقتل في تبادل النيران ارهابيين
احمد لسه عايش الحمد لله
_____________________________
محتاجين نشر كتير عنه ، المعتقل هشام جعفر هيفقد بصره وحالته خطيره جدا وبعت رساله يقول فيها ( انقذونى من العمى والفشل الكلوي ) !
اول ما اعتقلوه غموا عينه و كلبشوا ايده وراء ظهره لمده يوم و نصف و بعدين لما ودوه العقرب حطوه فى قبر و هشام قال لزوجته قبر بمعنى الكلمة و قال انه كان متيقن انه ميت و مدفون و لا محالة من خروجه حى تانى ، و انه لما خرج من القبر قالى عرفت يعنى ايه الانسان بيتولد من جديد !
و اللى حصل بعد كده منع من العلاج و احتباس بول متكرر ، بالعافيه اتنقل و هو بيعانى من التضخم و من النظر ومن الجرب تخيلوا معايا الوضع ، في الاول كان بيعملوه كويس ف المستشفى وب اسبوعين مفيش كل ما يتحدد ميعاد علشان يروح يعمل التحاليل و الفحوصات عربية الترحيلات متجيش ، دكتور الله يلعنه ف المستشفى كتب تقرير انه عمل كل الفحوصات و بقى سليم و يرجع العقرب تانى !
رجع و هو تعبان و علشان يداروا على نقله ركبوله قسطرة و للاسف ركبت غلط فجاله نزيف و نقلوه للمستشفى بطره ، هشام العقرب تانى فى ظل اوضاع سجن سيئة و تجريده من علاجه و متعلقاته و منع الطعام و المياه الصالحة للشرب !
صورته قبل وبعد الاعتقال __________________
