استمعت الى محطة راديو مصر بالامس وكانت تبث اغان وطنيه تبعث القشعريرة ثم ادرت المؤشر الى نجوم اف ام نفس الشئ ونفس الاغانى التى تزيد حماس و غضب الناس ثم ميجا اف ام ثم راديو هيتس...ما هذا الكم من المشاعر الوطنية .. والمناسبة للاسف الحادث الماساوى فى ليبيا الذي راح ضحيته ناس غلابة راحوا ياكلوا لقمة عيش فى بلد شقيق فماتوا موته بشعة ....بحر وجبال وview وكان العدو يشمت فينا ويطلع لسانه ويقول " احنا هنا" ورونا هتعملوا ايه؟!
يا لحزن الشعب المصرى كله ويا ويلتنا لو لم ناخذ بالثار لهذه الدماء المصرية التى ضاعت هباء وروت بحار ليبيا ظلما وغدرا. الحمد لله فقد شفي نسور القوات الجوية غليلنا
لماذا يسيطر الفكر الانهزامى على عقلية الشارع المصرى؟...سواء كنا مهزومين او منتصرين..ناخد بطولة الامم الافريقية
ونفرح بالنصر تطلع لنا انفلونزا الطيور وكارثة العبارة..وخطف واغتيال شهداء وضباط وموت ابناءنا فى بلاد عربية شقيقة
الموظف يبقى لسة واخد علاوة جامدة من الشغل يقوم يفكر فى انه هيصرفها ازاى والديون اللى وراه هيسددها ازاى..احنا كدة غاويين نكد
لا ودايما ناخد على قفانا ونسكت..الشركة الصرية للاتصالات وفودافون وموبينيل تزود الفواتير ويعملوا مقاطعة والناس متاخدشى بالمقاطعة وتعمل مكالمات برضه وكانه ولا يهمها حاجة ولا هاماهم الزيادات البشعة اللى فى الفاتورة
الشعب المصرى غلبان ويتحلي بصبر ايوب لكن اذا غضب تهتز لغضبه الجبال
.: عدد زوار الموقع :.
نشرت فى 4 مايو 2015
بواسطة janjeel
