يا ظالمنى
 
يا ظالمنى منك لله
يللى عشانك قلت الاه
 
يا ظالمنى وعايزنى اهواك
ازاى اهواك وفين هواك
 
جرحت قلبى بغدر هواك
فضلت اقاسى ويا جفاك
 
من كل قلبى اخلصت لك
وانت الخيانه كانت جواك
 
حيرنى هواك وغُلبت معاك
والقلب اصبح عليل بهواك
 
كل ما اقرب ليك دايماً القاك
تبعد وتزيد جروحى معاك
 
ويوم ما اقول انسى هواك
تشكى وتبكى وتقول اهواك
 
ارجع تانى احن لهواك
واقول خلاص هيتعدل الحال
 
واعيش كام يوم ولا فى الاحلام
واقولك فيهم احلى كلام
 
وترجع تانى ومن غير اسباب
تهجر قلبى واعيش محتار
 
وتسيبنى لوحدى عايش فى نار
قاعد افتش فى الافكار
 
واقول يمكن حبيبى غيران
او عزولى قال له كلام
 
واستنى بكره واقول جاى
استنى وقلبى معاك حيران
 
والنوبه دى غيابك طال
نسيتنى ونسيت كل اللى كان
 
حبيبى يللى كنت حبيبى
اسمحلى اقولك خليك هناك
 
ظلمك لىّ كان فيه الدوى
خلاص قلبى قدر ينساك
 
مهما تقوللى مش هصدق
قلبى طردك من جواه
 
معدش ليك مكان عندى
يا ظالمنى روح منك لله
 
======
مع وافر تحياتى
الصابر