من وحى التراث والقلم
=========
مسكين وغلبان .............. من كانت بلوته مرته
تقطع العيش وترميه .......... وتقول الفيران كلته
ان ضربها ..... يقولوا شوفوا الراجل ضرب مرته
وان سكت ........ يقولوا عليه ده جحش واشترته
00000
 
 
 
كداب يللى تقول ....... اقدر فى النسا على  حرمه
الحرمه تبقى معاك نعمه ....  لو بالاصول هتعيش
وتبقى عليك نقمه ..... لو عملت راجل على حرمه
براحة البال والكلمه الطيبه       من حبها ترويك
00000
 
 
 
يا معاشر النسا ............ خد بالك دول بنات حوا
ارجع لعقلك يا شاطر .......... واسأل عن الحرمه
شوف اللى حصل لابونا ادم ......... من امنا حوا
همه كده ......... ينسوا الشهد ويفتكروا لك المره
00000
 
 
 
فيه حرمه بنت اصول ......... مليهاش غير بيتها
اولادها همه الامل ........ وتصون حقوق جوزها
لو اتاه مرض تقول له ......... شده وربك يزولها
تسعد حياته ويسعدها ........... وتبقى ليه .حرمه
00000
 
 
 
الحرمه هى امنا هى اختنا ....... وهيه بنتنا كمان
عامل حرمتك بالمعروف ....... تشوف نبع الحنان
واوعى تفكر يا شاطر ..... انهم مكسورين الجناح
دول جبارين ... والضعف فيهم خفه ودلع ودلال
00000
 
 
الحرمه قطه جميله ............... والرجال اصناف
يشوفوا عنيها بريئه ......... ومنظرها حلو وفتان
يجروا وراها ............ عايزين منها لحظه حنان
يجرى وراها الولد ............ يتخربش من  القطه
00000
 
 
 
وفيه حرمه كما الحيه كل صيف تغير فستان
والفستان هنا انت هترميك وترمى غيرك كمان
وتدور على فستان جديد تلبسه
علشان ترميه الاخر كمان
ابعد يا شاطر  وخد بالك
من عضة  الحيه
======
الصابر