يارحلة الايام

======

 يا رحلة الايام يا رحلة عمرنا

دارت بينا الايام يوم هنا ويوم ضنا

عاشرنا ناس عاشوا جوه قلبنا

فارقنا ناس وكانوا غاليين عندنا

عاشرنا ناس بالاخلاص غدروا بنا

فارقنا ناس ومازالوا جوه قلبنا

عاشرنا ناس طلعوا مش ناس

خانونا ونسيوا عيشنا وملحنا

عاشرنا ناس من اهلنا

خانونا بغدرهم واسائوا لنا

عاشرنا ناس اغراب عننا

شفنا معاهم الهنا اصبحوا اهلنا

..........

يا رحلة الايام باقى ايه مكتوب لنا ؟

كل اللى عدى وانكتب كان ضدنا

يا ترى يا ايام اللى جاى هَنا ولا ضَنا ؟

يا  ترى يا مكتوب . مكتوب فيك هَنا ؟

ولا العذاب مكتوب فى كل صفحاتنا ؟

نفسى مره اشوف صفحه فيها هَنا

...........

يا رحلة الايام كفايه كل اللى مر بنا

ليه يا ايام دايماً جايبه التعاسه عندنا ؟

ليه يا زمن تقسى علينا وعايز تهدنا ؟

كفايه اللى عدى واتعدل ولو مره لنا

زرعنا الخير جنينا الشر من حظنا

الظلم ويانا كأنه مخلوق لينا لوحدنا

والله حرام نزرع وغيرنا يجنى زرعنا

والله حرام من غير سبب تكون ضدنا

يا سفينة الايام قوليلى فين شط الهَنا

يا غنوة الاحزان كفايه كرهت الغُنا

=======

كلمات الصابر