جارى التحميل
استخدم زر ESC أو رجوع للعودة
يا حلاوه عليك ياجدع
===========
يا حلاوه عليك ياجدع وانت ماشى تتغندر
سايب ام العيال فى الدار وتلف وتبصبص
عايز صبيه نونو حليوه بدك للشباب ترجع
جاتك خيبه على خيبتك أمتى الشباب يرجع؟
ملعون ابو المال هوه اللى خلاك أصفر
نساك زوجتك واولادك عقلك بيه اتلوث
عجوز وعامل دنجوان عايز صبيه مسيار
بالمال اشتريت العار يا ناسى عقاب ربك
مراتك تتمنى منك أشاره ليه تحرمها من حبك
عايشه معاك فى حيره وصاينه بيتك وعرضك
انت شايفها بعيون رديئه مش لايقه ولا تنفع
وهيه الجمال الحقيقى لكن الحرام خلاك أهبل
هيه الأصيله هيه الأساس محافظه على أسمك
أنت واخد فى نفسك قلم ومفروض أنت تتكهن
ياويلك من ربنا ارجع يا أبن الناس بقه وأعقل
ابنك هيبقى لك عدو وبنتك ممكن كمان تكره
يدعوا عليك كلهم وذنبهم لرب العباد يصعد
ويكون عقاب ربك شديد ينتقم منك ولا يرحم
أوتصاب بمرض وتأن وعلى الفراش ترقد
وتبكى بدمع الندم ولا تلاقى دوى لعلتك ينفع
ارجع لرشدك الزمان قادر يهزمك وعليك يحكم
حكم الزمان جبار على الخاين وعلى كل متغندر
ربك يا أبن الناس تواب فتوب قوام واسمع
ربك راح يقبلك من أجل الاصيله زوجتك
ومن اجل ابنك ومن اجل دعوات الغاليه بنتك
بلاش تكون عثره حاسب للبيت يخرب ويتدمر
=====
مع تحياتى
الصابر
المصدر: قلم الصابر
ساحة النقاش