جارى التحميل
استخدم زر ESC أو رجوع للعودة
الليل والقلم
======
يا ليل قصر تعبت مع وحدتى
دمك ليه تقيل دايماً طويل ويا الملل
يا ليل قول للقلم يحكى كلمتى
يدارى الالم يظهر امل من غير ملل
ويا القلم يا ليل بنور ظلمتك
الحروف تبقى شموع والكلمات نغم
القلم يفضل يغنى فى كلمته
الحروف مره تبكى ومره فى فرح
..........
قلم ........ لو تسمع كلامه راح تفهمه
وتفهم ان صاحبه ....... عايش مبتلى
قلم ....... لو تحور كلامه لن تهضمه
كلامه منقول ...... من اصل مصدره
قلم بيكتب ...... من سنين فى مخدعه
بيحكى ولا فيه حد ....... شايف كلمته
قلم وحيد ..... قلم حزين واعى نشيط
عاش مع صاحبه .... فى وحده مغلقه
قلم معارض ....... لكن دايماً صريح
ولا عمره يخاف ...... من أى محكمه
ان قالوا زيد .......... تلقاه يقول عبيد
تاه ما بينهم .......... شاف كتير بهدله
........
ياما قال ..... يا ليل يا عين ويا السهر
ياما رقص ورق ..... ياما ورق انتحر
ياما غنىَ ومن غير معازيم عمل فرح
ياما عاش الهنا ضحك من غير سبب
ياما بكى ......... ولا حد شايف دمعته
ياما شكى ........ ولا حد سمع شكوته
جالك يوم تنطلق .. احكى وقول يا قلم
احكى كلام الفرح ..... احكى كلام الالم
.........
اكتب
وشبك الحروف اصنع منها جمل
اكتب
وانسى كل اللى فات لانه كان قدر
اكتب
من غير ما تنقل من كتاب او من ورق
اكتب
بالاصول اياك تقول كلمه واحده غلط
جايز
فى يوم يا قلم ينصفك ربنا بعد الشقا
يمكن
تشوف كلامك طالع لفوق فى السما
يشوفوه
اللى قالوا عليه زمان ده هبل
يشوفوه
وعقولهم هيه اللى لازم تتهبل
========
كلمات قلم الصابر
المصدر: قلم الصابر
ساحة النقاش