جارى التحميل
استخدم زر ESC أو رجوع للعودة
اللسان
=====
أللسان
ممكن يكون كروان وممكن يكون بغبغان
أللسان
ممكن يغنى الحان ممكن يرد عليك الكلام
اللسان حافظ كتير ومن كل انواع الكلام
اللسان ثعبان وغدار وفيه السم الزعاف
يرمى الناس بكلام السوء ويقسم بألله
كذاب ومنافق وأصل الشرور للانسان
=====
ممكن يكون حمامة سلام
بين الاحبه وقت الخصام
بكلمه منه يرجع الامان
ننسى الخصام اللى كان
وده هو لسان الخير وهو اجمل لسان
الناس تحبه وتذكره بالأدب والجمال
===
وممكن يكون فتنه يدخل ما بين ألاحباب
ألاحبه يتفرقوا والسبب هى كلمة اللسان
اللسان ظالم والبرىء بيه ممكن يدان
بشهادة الزور من انسان لا يعرف الله
يهدم الكيان لأسره كانت عايشه فى سلام
من غير ضمير يشرد أطفال محتاجه حنان
===
اللسان خوان بيه يساء الى أعراض الناس
والعذراء بلسان ألاسائه يقولوا عليها مدام
ويقسم المنافق بأنه شاف بعنيه كمان
ويحكى روايات وينسى المنتقم الجبار
===
اللسان هو السبب الاول لحدوث أى بلاء
بمعسول الكلام يصطاد البريئه وبكل أتقان
لان كلام الحب كما الصنار وله سلطان
يحكم بأرتكاب الفاحشه ويقع شر البلاء
بعدها لا توبه تنفع ولا ندم بعد كسر الباب
والجرح لا يلتئم ألا بالغش وده شىء حرام
====
وبأللسان ممكن تكرهك جميع الناس
بلسان الغلط تبقى غلط أنسان غلاط
وده مش رجوله وهيقولوا عليك كداب
وده اهانه لك قبل ما تكون اهانه للناس
الكلمه الحلوه تصرف الغضب تزرع أمان
الكلمه الغلط هى الاساس لزرع أى خلاف
========
تحياتى وأحترامى وتقديرى لجميعكم
الصابر
المصدر: قلم الصابر
ساحة النقاش