جارى التحميل
استخدم زر ESC أو رجوع للعودة
<!--<!--<!--
اّه من الندم
======
اّه من الندم
لما يدخل القلوب
اّه من القلوب
اللى مش قادره تتوب
اّه من النفوس
اللى تأمر صاحبها بالسوء
ألاوله اّه ........ والتانيه اّه
والتالته ألاّه اصبحت اّهات
ألاوله اّه عليك ياقلبى
ياشايل هموم ألاّه ومخبى
كل ماتقول خلاص راق جرحى
يظهر فى الحشا اكتر من جرح متخبى
............
والتانيه اّه عليكى ياعيونى
يللى كتبتى على كرسى الخدود مواويلى
كل ماقول للليل ياليلى تيجى الدموع تواسينى
الهم دايماّ جوه طريقى والندم شايفه هو صديقى
...........
والتالته اّه عليك يازمانى
يللى خليتنى اقول الاّه بمعانى
فى فرحى كانت كل الناس أحبابى
فى جرحى اصبحت وحدى بقول اّه يانى
واّه والف اّه عليكى ياسنينى
ضاع الكتير منك مابين ندمى وأنينى
سنين عشتها وهم من غير صديق يواسينى
سنين أسيه فيها ألاذيه مزروعه جوه طريقى
..................
............
......
ألاوله اّه من الظالم
وياعينى على المظلوم
مظلوم يبات الليل
يناجى ربه بالدموع
وظالم نايم وخايف
لو حراسه سبوع
الظلم ....... ظلمات
ياظالم أمتى تفوق
...........
وألتانيه اّه على اليتيم
ظلموه أهل أبوه
عيونه زايغه حزينه
بتنادى على ابوه
ياظالم اليتيم خاف
من رب عظيم
بكره تشوف الويل
والندم مش هيفيد
.......
وألتالته اّه عليكى يادنيا
قوليلى بتهينينى ليه ؟؟
مشيتينى فى وهم الكلمه
قوليلى ذنبى أيه ؟؟؟
بعشق الحرف والمعنى
قوليلى ليه ؟ تذلينى ليه ؟
ليه من كلام النور
جاتنى ألاذيه ليه ؟
...........
ياحروفى أنزفى
قولى الكلمه موال
ياكلمتى أنطقى
ولا تخافى من ملام
حكم علىّ الزمن
أعشق حروف وكلام
======
كلمات / قلم الصابر
المصدر: قلم الصابر
ساحة النقاش