<!--<!--<!--

الافكار

====

بفكر فى اللى جاى

وناسى نفسى وايامى

واللى جاى مجهول

يعلم بيه ربى واللهى

يانفسى توبى وكفايه

الفكر اللى سابانى

اصبحت منك عليل

وحتى النوم جافانى

خايف اقول الاّه

يشمت فىّ عزالى

القلب لىّ اشتكى

قال ليه قافل بابى

سألنى عن الهوى

قلت

انسى ياغالى

00000

العين بتدمع فى الخفا

من كتر ماجرالى

عايشه ويايا حزينه

والقلب قال مالى

والقلم لاخر بيبكى

صُعب عليه حالى

00000

يارب ايه العمل

غُلبت مع ذاتى

لانا قادر اعيش سعيد

او أرحل بأحزانى

نسيت نفسى نسيت عمرى

نسيت حتى عنوانى

0000

ان كنت ياربى ضليت

ارحمنى انا الخاطى

نور طريقى برحمتك

واغفر لى زلاتى

اجعلنى عبد ليك

انت ربى واللهى

======

كلمات قلم الصابر