قصيدة بعنوان ( قلبي وين ) كلمات : أحمد الحجاوي
قلبي وين نــــادوا عليه
وشوفوه جرحني وسابني ليه ؟؟
قولوله صاحبك عملك ايه ؟؟
علشان تبكي دموع عينيه
هو اللي قالي في يوم انه عرف يختار
خلاني اعيش في هموم ورماني وسط النار
وسابني ويا الهم أغرق في بحر كبير
وسقاني كاس الغم وخلاص بقيت سكير
نادوا عليه خلوه يرجعلي من تاني
وياريت ياناس تجيبوه دي الفرحة وحشاني
دا أنا ياما قلت كتير ياقلبي ما تحبش
ماهو ممكن انت تحب لكن ما تتحبش
مش عيب ماتتحبش ويبيعوا فيك ببلاش
ما أنت كتير حبوك وأنت ضاربها طناش
ما الدنيا ما اتخلقتش علشان تعيش مرتاح
وقلوبنا ما اتقتلتش لكن ماليها جراح
إياك في يوم تبكي دا الماضي عدا وراح
مهما يطول الليل لازم هيجي صباح
اسمع بقى نصيحتي دا أنا صاحبك اللي شاريك
وانت اللي من ريحتي وصعب أعيش غير بيك
بنده عليك ترجع وتطفي شوق ناري
وأنت ولا بتسمع بايع ولا شاري
ما أنا ياما طاوعتك ومشيت ورا كلامك
ولأجل مصلحتك أنا كنت خدامك
أنت اللي قلت ف يوم نفسك تدوق الحب
وأدي النتيجة بعوم في بحر نار الغلب
لا عرفت أدوق النوم ولا حتى عارف سكته
مجرح وكلي هموم والجرح جاني بصحبته
صوت الألم بيزيد طب قولي كيف راح أسكته
وأنت سايبني وحيد والغرب عمال يشمتوا
ارجع بقى من غير ما عليا تتأمر
دا البغبغان الطير مع صاحبه بيعمر
والكلب ما بيفهمش لكن على صاحبه
بيخاف عليه م الهوا
سهران ومابينمش والصبح بيلاعبه
وتملي عايشين سوا
وانت ياقلبي ياروح ياللي بنفس الدم
صاحبك مليته جروح وسقيته كاس السم
ارجع بقى علشان الشمل يوم يتلم
ما كفاية عشت زمان ويا الجراح والهم
كلمات : أحمد الحجاوي
ساحة النقاش