قصيدة بعنوان (هل الهلال) كلمات : أحمد الحجاوي
هل الهلال بعد أما غاب عنا سنة
والدمع سال من عين شباب منهم أنا
راجع عشان كله يتوب .. واللي ظلم يهدى وبظلمه يكتفي
سامع كمان صوت الذنوب ..ويا الألم من نوره قاعدة بتنطفي
شوفت الهلال وسألت ليه النور منور البلد
الكل قال دا شهر فيه الخير علينا بيتولد
رديت وقلت يبقى أكيد شهر المحبة والأمان
والله غبت والليلة عيد نورت بيتك يا رمضان
هل الهلال بعد الغياب واتعلقت فوانيس وزينة
كل العيال ويا الشباب اتجمعت وسط المدينة
بتغني أهلا يارمضان وسط الشوارع
بتقوله وين أيام زمان والكل سامع
علشان زمان أيام زمان .. كانوا حبايب متجمعين وبيفطروا على صفرا واحدة
كانوا يحسوا بالأمان .. كان اللي غايب من سنين يرجع لبيته ومطرحه والكل يهدى
كان اللي غايب يدخل على ساعة الادان
يلقى الحبايب والعيلة قاعدة في المكان
وبسرعة يرمي شنطته ويفطر معاهم
عالصفرا خالته وعمته وعيال وراهم
وبعد أما ياكلوا ويفطروا تيجي صواني الحلويات
وقبل الادان يتسحروا ويعدوا للمغرب ساعات
هل الهلال لأجل أما قرأن ربنا نقرا آياته ونسمعه
دا المولى قال رمضان وخيره عندنا ليه بس إحنا نضيعه
هل الهلال ...أبو نور عجيب مع انه طول في الغياب
صدق اللي قال ... إن الحبيب ما بيتنسى لو مهما غاب
ساحة النقاش