وحشتني كلمة بحبك
وحشتني كلمة بحبك منك يانور عيني
دا انا لما بسمع بحبك منك بترويني
لكن قدر و نصيب يتفارق الأحباب
ما الحظ مرة يصيب ومرة يقفل باب
دا ف كل حتة بروح بتمنى أكون جمبك
منك أنا مجروح والذنب مش ذنبك
الذنب ذنب القلب هو اللي دوبني
دوقني طعم الحب وللجراح سابني
ماتردي وقوليلي لو كنتي عايزاني
وكفاية طول ليلي سهرانه وحداني
ليه بس مارجعتيش طب مانتي غلطانه
قولتيلي ماتسيبنيش وف بعدي فرحانه
ولما يوم رجعت بسهوله بعتيني
م الدنيا أنا اتعلمت أدي اللي يديني
وأنت اللي ما اديتينيش مع إن أنا إديتك
كان نفسي جمبك أعيش وبقلبي وديتك
بس أعمل إيه دا نصيب مكتوب بقاله زمان
وزمانا حاله عجيب ودا حظي مش ندمان
جوا في قلبي هشيل أيامك الحلوة
هسهر أنا بالليل وافتكرك بغنوة
سيبي الجراح في القلب يمكن تداويني
يمكن كاسات الغلب هي اللي ترويني
كلمات : أحمد الحجاوي
ساحة النقاش