أنا فلاح
شايل فاسي على كتافي ... بيقولوا عليا ابن النيل بروح غيطي في كل صباح
في وسط الطين انا حافي ... بخلص شغلي وأخر الليل بروح بيتي وأنام مرتاح
وأنا حارس ابن حارس بيقولوا إن اسمي غفير
لامتعلم ولادارس لكن دوري في بلدي كبير
وأنا عامل على قدي لاريس ولا حتى أمير
في شغلي دغري ومعدي وزيي زي أي وزير
وأنا جندي فإيدي سلاح بدافع عن تراب أرضي
بحارب مجرم وسفاح وشغلي أني أصون عرضي
وأنا بنا بنيت ياما بإيدي بيوت ... في بلدي وهبني طول عمري
وبتمنى أعيش بنا ولما أموت ... في أرضي يتحفر قبري
وأنا دكتور بداوي ألام ... وربي بيشفي على إيدي
وللعيان بكون خدام ... ولما يقوم دا يوم عيدي
وفي الاخر أنا مصري ... كبرت في مصر واتربيت
وفيها بنيت أنا قصري ... وعشت في حضن أجمل بيت
دي بلدي الخير وعمري زيها مالاقيت ولا هلاقي
سافرت كتير وفي الاخر أنا حنيت بأشواقي
يابلدي ربي يحميكي وينصرنا ويرعاكي
هعيش العمر جمبيكي ومش هبعد أو أنساكي
دا انا شوفت العذاب فيكي ومزهقتش ولا مليت وعمري ما كنت يوم بايعك
وياما زرعت اراضيكي ومن عرقي ودمعي رويت ودمي كان سماد زرعك
كلمات أحمد الحجاوي
ساحة النقاش