قصيدة بعنوان (عرفت اختار ) كلمات الشاعر : احمد الحجاوي
عرفت اختار وجيت ف يوم واختارتك انتي وحلمت انا على ايدك انتي اربي بنتي
بس النصيب أقوى كتير مني ومنك خلاني أغيب و ف عز شوقي بعدني عنك
وقابلت من بعدك بنات كتير ياما وبقيت انا في بعدك غرقان في دوامة
دورت وسطيهم على واحدة تعجبني لكني مـلقتشي غير قلب يتعبني
وبردو مسكتش وقلت راح ألاقي وداريت في قلبي الحب وقتلت أشواقي
ورجعت افتكرك يا حبيبتي من قلبي ما الذنب مش ذنبك ولا حتى كان ذنبي
كل أما أقول هبعد وهنسى يوم حبك قلبي لوحده يروح وينادي على قلبك
قالوا يا بختها بيك علشان هكون ليكي مع إن والله يا بختي أنا بيكي
دا أني اللي حبيتك بكل ما فيا وف قلبي خليتك وجوا في عينيا
و ف ليلة سبتيني قلتيلي انه نصيب بتمنى يبقى نصيب ميكنش غيري حبيب
قلبي بيعذبني من يوم ما سبتيني خايف يكون قلبك باعني وخنتيني
لو كنتي مظلومة ولسه باقية عليه تعالي وقوليله إن أنتي بتحبيه
يا حلم في حياتي وأحلى أمنية مستني تيجي في يوم وتبصي ف عينيا
دا أنا قلبي عاش ياما في البعد وسط النار كل الحكاية يا ناس أني عرفت أختـار
كل الحكاية يا ناس أني عرفت أختــــار
كلمات : احمد الحجاوي
ساحة النقاش