قصيدة بعنوان (سامحيني يا أمي ) كلمات الشاعر : احمد الحجاوي
كتب القلم ياما كلامي في الاشعار ولما ايجا يكتب عنك يا أمي احتار
دانتي الحياة والروح يا منبع الطيبة و ف كل حتة بروح بلاقيكي يا حبيبة
الله على حنانك يا أمي يا قلبي خليكي ياروحي على طول هنا جمبي
عارف يا أمي قسيت عليكي وظلمتك زعقت وياكي وجرحت أنا كرامتك
سامحيني يا أمي يا تاج على راسي الدنيا غرتني خلتني أكون قاسي
دا أنا ربي وصاني عليكي يا عظيمة قالهالي في أياته وأياته دي كريمة
سهرتي جمبي كتير يا أمي من خوفك ولما بشكي في يوم عينيا بتشوفك
يا نعمة من ربي وأجمل هدية والله لأصونك وأفديكي بعينيا
دا أنا لما بفرح يوم بتكوني فرحانة وأما بكون مجروح بلاقيكي زعلانة
بتضحي بنهارك علشان تغديني وبتسهري علشان قلبك يداويني
شلتيني 9 شهور وتعبتلك بطنك ولما جبتيني قلبي اترمى ف حضنك
سامحيني يا أمي لو كنت زعلتك ضحيتي علشاني و بردو بهدلتك
وغلط أنا ف حقك وقسيت عليكي كتير عارف أنا قلبك طيب وقلب كبير
بتشوفي مني عذاب وإهانة وآسية ومنك أنا مبشفش غير كل حنية
سامحيني يا أمي أبنك أنا حبيبك ووعد مني هكون جمبك ولا حسيبك
ولا عمري هقسى ف يوم وبقلبي هرضيكي دى الجنة يا غالية من تحت رجليكي
وكمان رضى الرحمن برضاكي يا أمي ف عينيا أنا حشيلك وف قلبي و ف دمي
يـلا بقى قولي إنك مسامحاني وخديني بإيديكي من وسط أحزاني
كلمات : احمد الحجاوي
نشرت فى 15 إبريل 2011
بواسطة ahmedhego
عدد زيارات الموقع
101,424
ساحة النقاش