قصيدة بعنوان (يعني ايه ؟؟) كتبت بعد تزوير انتخابات مجلس الشعب 2010
كلمات الشاعر: أحمد الحجاوي
يعني إيه ؟؟؟؟؟
يعني إيه معنى التجارة ؟؟؟؟
مكسب في يوم وفي يوم خسارة وناس كتير بتقول شطارة .... هو دا معنى التجارة
ومعنى التجارة هات وخد سلم بضاعتك ويلا عد وساعة أما تدفع مقدرش أرد
هو دا معنى التجارة
وناس تقول ادفع وشيل .. انشالله فيل مادام هتدفع عالبركة شيل ... هوا دا معنى التجارة
لكن تتاجر في صوت ولادك .... وتبيع بنفسك تراب بلادك ... وتخلي غيرك يجمع حصادك ؟؟؟؟
وعاملي ناصح وتقول تجارة ؟؟؟ يا للخسارة
دي مش تجارة دي اكبر أمارة لأصعب خسارة
يعني إيه ؟
يعني إيه لما الضمير بعد أما كان عالي وأمير في لحظة يوطى ويبقى غفير ؟؟؟؟
يعني إيه ؟ سكتوا ليه ؟؟ جرالكم ايه ؟؟
يعني إيه تقبض تبيع ؟؟ ومش مهم شعبك يضيع ؟؟
يعني إيه ؟؟
يعني إيه كلمة أمانة ؟؟؟؟
معنى الأمانة عكس الخيانة
يعني سرك يبقى في بير وتكون موافق عالتغيير وعلى رمل بلدك بحرقة تغير
كل دا معنى الأمانة
ومعنى الأمانة تكون شجاع متبعش بلدك مع اللي باع وتشبع الشعب اللي جاع ؟؟
هو دا معنى الأمانة
يعني إيه شعبك أمانة تخونه أنت عشان حصانة
حرام عليك فين الأمانة دي هي دي أكبر خيانة
يعني إيه ؟ سكتوا ليه ؟؟ جرالكم ايه ؟؟
كلمات : أحمد الحجاوي
ساحة النقاش