قصيدة عن ( ترقيع الدستور ) للشاعر أحمد الحجاوي
أنا عايز أعيش وف استقرار وكفاية يا عالم ضرب النار
و أنا كنت موافق عالتعديل خايف دم الشعب يسيل
قلت هروح وهقول موافق ودا رأيي الشخصي وبيه أنا واثق
مع إن أخويا مكنش معايا كان رافض ييجي يا ناس ويايا
مقدرش اقول على اخويا دا خاين يمكن شايف شيئ مش باين
فكرت كويس في الدستور اللي اختاره فتحي سرور
لقيته متفصل مش في مقاسي فوقوا يا شعبي يا أهلي يا ناسي
كلمة حق يا ناس تتقال مواده البايظة لازم تتشال
بصراحة انا نفسي بقيت محتار نفسي أشوف الاستقرار
شوفتوا يا ناس 190 ده رئيسنا هيحكم 6 سنين
طب فين تعديل 77 هيسوقوا هبلهم دا على مين ؟؟؟
والمادة كمان 96 فاكرينكوا لسه ياناس نايمين
اصحى يا شعب وفوق م النوم ما كفاية عشت كتير في هموم
رئيس الدولة ف يوم هيسيبها ودي بلد ولادك مش هتسيبها
الدستور غير فى صفاته علشان ييجى يشوف سلطاته
سلطاته اصل الديكتاتورية اومال جبنا ازاى حرية ؟؟؟
وقعنا نظام وكان يوم عيد يبقى نشوف دستور جديد
دستور شعب يجيبله رئيس مش ريس ييجي بالتكويس
مش راح اوافق عالتعديل دا ممكن بكرة يكون تفصيل
واللي بيدور على مصلحته دا رأي لوحدي وهو براحته
وقبل ماتدي الصوت وتمشي شوف مين ضحى عشان ما تموتشي ؟
ضحوا عشانك أغلى شباب علشانك أنت فتحوا الباب
وأخر كلمة بقولها يا ناس ترقيع دستور على أي أساس ؟؟
كلمات : أحمد الحجاوي
يا شباب مصر الاحرار يا من ضحى منكم بروحه ليعيد لنا حريتنا وكرامتنا
انظروا الى المادة 190 و77 لماذا ما زال بينهم تناقض رغم ان77 مادة و190 مادة اخرى ؟؟؟؟؟؟؟؟؟؟؟؟
وانظروا ايضا للمادة 93 والمادة 96 وتناقضهم فلماذا لم تستطيع اللجنة التي لم ينتخبها الشعب بتعديل هذا التناقض ؟؟؟؟
اتركوا ضمائركم تجيب على هذه الاسئلة كي نصل سويا الى مصلحة البلد وليس المصلحة الشخصية
ساحة النقاش