حكاية قلم

شوفوا القلم .. حتة قلم .. حب القلم .. داق الألم .. راح القلم

قالولي الناس أكتب كلام            من جوة قلبك للغرام

مسكت القلم قبل أما أنام            وقلت والله لكتب غرام

قام القلم قالي سلام                ده الحب مات ومفيش كلام

ليش القلم قالي سلام ؟؟          ده كلام يا ناس ولا في الأحلام

صرخ القلم قال الحقوني           وقال كلام بكى عيوني

وقال كفاية خلاص سيبوني        ومن الكتابة ريحوني

رفض القلم يكتب يا ناس          والحب مات جواه خلاص

قام الورق من غيره احتاس         ومات كمان عنده الأحساس

جبت القلم قدام عينيا                 وحكيتله عن كل اللي فيا

وقلتله أكتب شوية                ده انت اللي باقي وانت اللي ليا

قال القلم مش قادر اتكلم            وقلبي أنا بـردو بيتئلـم

وياما بكيت وقلبي اتعلم            وأمانه عليك عالحب تسلم

سهران ليالي حزين مستني      اكتب عليك ولا أكتب عني ؟؟

شوفو القلم أبو سر خطير            شايل في قلبه كلام كتير

وبعد أما كان للشعر أمير             طلع القلم للحب أسير

شوفوا القلم ؟ ماله القلم ؟ داق الألم .. نطق القلم .. مات القلم 

تأليف : أحمد الحجاوي