مصر ياروحي
مصر ياروحي وروح أجدادي ده حبك ساكن جوة فؤادي
قلبي إختارك تبقي حبيبته لأنك ست الكل وسته
فيكي معالم حلوة كتير وفيكي حضارة وأرضك خير
لو يوم يامصر فارقتك ليلة بحس أني من غير عيلة
ولو مرة غبت وسبتك يوم قلبي يعيش في نار وهموم
في الغربة صورتك جوه خيالي بسهر أفكر فيكي ليالي
شوفتي يا مصر حروب ودمار وعشتي ياما في وسط النار
ودقتي مر كتير ومرار بس اليوم بتشوفي عمار
ده أنتي يا مصر الأم الغالية وحلم حياتي أشوفك عالية
وقلبي يامصر هيفضل شايلك وعمري ما هقدر أرد جمايلك
ده أنتي يامصر حكاية جميلة وأحلى نجمة في أجمل ليلة
ده انتي يا مصر حياتي وروحي وحبك في قلبي بيشفي جروحي
ومهما حكينا وقلنا عليكي هنفضل نقول ربنا يحميكي
وعمر الكلام ما هيوصف فيكي ولا حتى هيقدر يحكي عليكي
ده قلبي في حبك ياما اتكلم وفي بعده عنك ياما اتئلم
أصلك يامصر حنونة علينا وياما في حضنك بتضمينا
ده حبك نور نور ليالينا واسمك كنز وغالي علينا
وأخر كلامي بعتلك سلام من أرض سينا أرض السلام
تأليف: أحمد الحجاوي
23/2/2010
ساحة النقاش