حكاية حصلتلي
هاحكي حكاية حصلت عندي
ولا أغرب م الفيلم الهندي
دي حكاية إنما حاجة غريبة
لاحمد وابوطالب والجندي
طبّ علينا ساكن في البيت
ولاحتى إحنا صحابه ياريت
إنما ساكنين زي الناس
ولاّ بنتابع رحت وجيت
والي يتابع صاحبه الأوّلى
ويكملها لاخر الجولة
سابوا الراجل يسكن فيه
الهربان من أمن الدوله
مااستحملش يكمل شهر
ولا شفناله وش وضهر
جم في الصبح يحطوا عليه
واتحطينا في ظلم وقهر
يسألوا ف احمد قال معرفش
دخلوا وقلبوا جوه العفش
بس مالاقوا حاجة تدينه
قالوا نصيبك حبس وقفش
قلنا يارب إنت الرحمن
انت معانا في كل مكان
ارفع عنا ولا تسيبناش
خلي حياتنا أمان ف أمان
حقق لينا كل مطالب
إنت يارب قوي وغالب
واحنا حيارى ومضطرين
ربك سبب لينا ابو طالب
قلبه جميل وكبير وحنين
قالنا أمره وسهل وهين
واحن معاكو بكل قلوبنا
وفعلا صادق ورّى و بيّن
وربك لما تفيض رحماته
ويغرقنا بفيض بركاته
يبعت لينا عبده الجندي
ويشاركنا باتصالاته
شكرا ربي الغوث والرحمة
وبتنقذنا في عز الزحمة
شكرا ربي بحجم الكون
وبلائك مليان لطف ورحمة
#عصام_قابيل
