نسخة
اخمد صبري
-
انتي نسخة مش اكتر
انتي مشهد و بيتكرار
ببقى عارف هتقولي ايه
ببقى حاسس احساسك
وان سكتي بعرف ليه
حافظ تاريخك واساسك
-
انتي نسخة ومش بعيدة
عن اللي كنت بحبها
ممكن انتي روح جديدة
لكن طباعك زيها
مش قاسي ولا متهور
ولا حابب يوم اظلمك
بس بإحساس متطور
لو حابة ممكن اعلمك
-
الحب مش حبل وعقد
الحب مش بنت وولد
الحب مش حبة بيوت
الحب اكبر من البلد
لما الاحزان بتكتر
وتتفتح كل الجروح
الحب الحقيقي بيقدر
الحب الكداب بيروح
-
لو عايزة بيا تكملي
اتعلمي نقوى ونصبر
لو زيها راح تعملي
وقلبك ناوي يغدر
بقولها من دلوقتي
مش كل ورد معطر
ساعتها اقول ياحبيبتي
كان غيرك اشطر
