نفسي أعيشكَ
نفسي أكون عقلك وطِيشَك
نفسي أكون مَلحك وعيشك
نفسي أكون خط في ملامحك
وفى رطوشك فوق جبينك
خط سيرك عِشرة سنينك
نفسي أعيشك
نفسي أبقى فى الحياة ليك
الحياة طوق نجاة دم يسبح
فى الوريد لمسة تستناها إيدك
أم لوليدك فرح عيدك عِشقي
ليك عدَّى مداه
نفسي أعيشك
أبقى ضلك وأبقى طيفك
ليل أنينك تتوجع تُصرُخني آه
نفسي أعيشك
أرمي قلبي بين ضلوعك
وأنسى حتى أنا سيبت إيه
يااللى حبك جوَّا مني حتة مني
جه عشانى وعايشة ليه
نفسي أعيشك
أبقى صبحك وأبقى ليلك
أبقى بحرَك وأبقى نيلك
سلسبيلك لما تحلم بىَّ أجيلك
تنادينى أناديلك وطريقك آجى
جرى أمشي عليه
نفسي أعيشك
نفسي أعيشك لو ثواني قوم
هعديلك بحور وأختصر كل المواني
نفسي تُعقدلي النجوم عُقدلولي
والقمر تاج فوق شُعوري والكلام
يطلع أغاني الزمن لو يوم جرح
أكون مداوي بس سيبني نفسى
نفسي أعيشك
#الشاعرة_رضاعبدالوهاب
نشرت فى 28 نوفمبر 2015
بواسطة ah-shabrawy
أ/أحمد الشبراوى محمد
نريد أن نرتقى بالشعر العربى وموسيقاه ونحمى لغتنا العربية من التردى فى متاهات عولمة اللغة تحياتي الشاعر والاديب / أ.أحمد الشبراوي »
أقسام الموقع
ابحث
تسجيل الدخول
عدد زيارات الموقع
369,487