الشاعر محمود عبد العظيم

( حس بغيرك )

حس بغيرك صحى ضميرك
ياما ناس غيرك محتاجه ليك
فكر فيهم شوف إيه بيهم
خد بإيديهم ويا إيديك

ناس عايشه ومش لاقيه القوت
وحياتهم بتساوى الموت
صابرين ع المقسوم والعيشه
وبيصرخوا ما بيطلع صوت

حس بغيرك

إمسح دمعة طفل يتيم
دا الإحساس باليتم اليم
واللى بيعطف واللى بيرحم
يبقى عليه المولى رحيم

حس بغيرك

اوعاك تظلم حد ف يوم
اصلك فانى ومش هدوم
خاف من ربك هو العادل
ما يردش دعوة مظلوم
حس بغيرك

شارك ناسك ف الأفراح
واما يحسوا بأي جراح
لما تحب الخير هتلاقى
قلبك بقا عايش مرتاح

حس بغيرك

لو جمبك كان حد مريض
اوعى تسيبه ف مرضه وحيد
إسأل عنه اكيد بزيارتك
ينسى آلامه ويبقى سعيد

حس بغيرك