غمضت عينى حلمت حلم
لكن غريب جداً
الخير بكل الدنيا عم
والأشيه دى معدن
ولا عدشى فيه محتاج
ولا بيت خشب او صاج
الكل بانى عماير
ومعلى ف الأبراج
رخص التراب شفت السلع متوفره
بقت الفلوس عند البشر من غير حساب
فلوس حقيقى ما تلقى ورقه مزوره
حتى العجوز م الفرحه حاسس بالشباب
ماكنتشى ميه بتتقطع ولا كهربا
والدنيا فجأه اصبحت امن وسلام
رأيى بقا بيلاقى كلمة مرحبا
وكنا قرب يتخرس فينا الكلام
ماعدشى حاجه إسمها كلمة طابور
بنزين وعيش من غير زحام يخنق يضايق
الدنيا رايقه بقت خلاص ماشيه الأمور
من غير روتين طلبك بيخلص وف دقايق
لقيت بلاد كل العرب متوحده
الظلم ولى وإختفى والعدل ساد
ارض العرب حتى الدماء ف الأورده
إتطهرت من أى فيروس للفساد
فى عقل بالى قلت خايف إنى اكون بحلم
معقوله كل الأمنيات إتحققت فعلاً
فجأه صحيت على صوت اخويه بيناديلى
كفايه إصحى دقيقه واحدة الفجر راح يدن
غمضت عينى حلمت حلم
لكن غريب جداً
بقلمى/محمود عبد العظيم
