مين قال لك على بعدك أنا قادر!!
ياشكاكه وسوء ظنك ملوش آخر
انا بحبك واناجنبك ..وانا مسافر
دانا حبيت لمسة شوق على جبينك
د انا باعشق كحله زينت عينك
أنا بحبك كلك على بعضك من الآخر
با احبك لما بتغيرى من غيرك
ولمابتخافى من صياد
يرمى شباكه على طيرك
وتعيشى عذاب فى عذاب
واقول لك يابنت الناس مليش غيرك
ولما يكون ما بيننا عتاب
أقولك ياستى د انا شاعر
وبا اكتب كل يوم حواديت
وقلمى فى الهوى ليكى ولا لغيرك
وم الآخر با احبك موت يامجنونه وع الآخر

عــسى أن أكون قـد وفيت عـــهدى
وطاب للناس ماكـان من ظــنى وقصدى
فلا إن قال النــاس قـولاً صــــدقوه
ولا كذبتُ الناسَ منذُ أتيتُ مــــــهدى
وعــمرى لم أكنْ أبــــداً كـــذوباً
ولا يضيع الصدق منى وإن رأيت لــحدى
أحب فى الناس مــــــكرمة الخصال
وأمقت منهم صاحب الوجــــهين عندى

فكرت فى وجنتيك حين توردتْ
وجمال ثغرك بالرضا مسـرورُ
فعلمت أنى لو تركتك ساعــة
إنى إذاً لفتى مغـــــرورُ
--------------------

أمجنونة أنت بالحب يا سلمى ؟!
فإنى شقيت بالـــحب مثلكمُ
ولم يحــط أحد بى علــما
فإ ن كان الحب أودى ببعضكم
فقدأودى بقلبى وروحى ياسلمى

---------------------

لا تشتكى للناس شيئاً لست تملكه
عسى الأيام تدنيـــه وتـدركه
فالكل فى لجج الهـوى غـرقى
والكل يقــتله الحـب ويهـلكه
فلو كان الحب شخصاً لست أعرفه
لبددت مالـى وولدى كى أشاركه

----------------------

وإن هيأت فى الدجى حللى
فتهيئى ياعبلُ واكتــحلى
عسى أن تلتقى فيه أعـينا
وتٌشفى من لوعتى عـللى
وإلا سأموت حرقةً و جوى
كما مات المجنون فى الجبل

--------------------

دعونى من عيــــــون رقية الثــكلى
فقد جـــــننت بحبـــــــها ليلى
فلا وربى وإن عـــــز مــزارها ليلا
فلا كنت للحــــياة نـــــهاريا أهلا
فلو قالوا فى أعالى السفح مخـــــدعها
لهان السفح كـــــما لو كان لى سـهلا

-------------------------------

مهــــــلا تعالى هنا واخـــلدى
فإنى شــــــقيت بأن تســـعدى
تعالى وهاتى يديــــــــك بـيدى
فإنـــــى عشقـــتك لا تعــندى
عشقتك منذالصـبا لوتعـــــــلمين
عشـــقتك مـنذ الرضاعة والمــولد

إلى بنيــــــــة العينين الرقيقة أهدى تلك الكلمات :
-------------------------------------------

بنية العينين قد أرقتِ أجفانى
فالليل خاصمنى.. والبعد أفنانى..
ينية العينين فيما البكاء وهذا الشجن؟
كفكِ منى كفاكِ أن أفتتن..
فليلى صبحٌ وصبحى سكنْ
-----------------------
بنية العينين فيما النحيب؟
فقلبى رقيقٌ لايحتملْ
وروحى تعشق تلك المقل..
وجسمى قد أضناه السهاد
فحار الطبيب
كيف يداوى تلك العلل!!
-----------------
بنية العينين علام الجفاءْ؟
فأنت روضه ..وزهره..وينبوع ماءْ
وأنت مصرى وقصرى ومنكِ الرواءْ
وأنت الطبيب وأنت الدواءْ
----------------
بنية العينين لاتهجرينى ؟
فانت حياتى وكل يقينى
وأنت الخيال وأنت الحقيقه
وأنت الساعات الجميله الرقيقه
وانت يومى وليلى وفجرى وكل دقيقه
فلا تهجرينى ..
------------------
بنية العينين لا تسلبينى الأمل؟
فإنى أغار على وجنتيكِ
همس النسيم ..ولون الخجل
وأحلم انى يوماً أراكِ
لألثم فاكِ منى القُـــبَلْ

ياليل الــهجرليــه تقسى وبتطــول
لو تعرف ليه القاسى بيهجرنى هتعزرنى
آه ياليل كــــنت اســأل من الأول
د من شوقى للأحــباب قلت يالـــيل
زمان الهجر لو ولى إنت ساعتها هتطول؟
ولا تفضـــــلش ليل قاسى ومتحول
ولا يكـونش القــــــــسا طبعك
ولا يكونش فيك ضلمه وتتخلى عن طبعك
ولما حبيبى يرجع لى هتنور لــــيالينا
بنظرة عين وحدوته مثل ماكـنا فى الأول

انا اللى عمرى ضيعته
فى قالوا، وقلنا ، وقال
انا اللى متحير
و ف لسانى الف سؤال
ليه يابلدى مخنوقه ومزنوقه
وطول عمرك على دى الحال ؟!
ليه كل يوم ضلمه ولا فيش نور؟!
وحالى كله ضلال ف ضلال
بعدت عن ربى وكان همى أغنيلك كل يوم موال
واغير لك كل يوم لونى
يوم عربى ويوم تركى ويوم زنجى
ويوم عيل ومتنيل
ويوم فارس ويوم خيال
وانا عارف انه الذنب مش ذنبك
وده ذنبى إنى بعدت عن ربى
وعامل صالح ماسك سبحه
وانا كلى ما اجبش ريال
----------------------
وعجبى

باادعى يارب خفف
خفف حمولى التقيله
كبرت ويامين يجفف
دموعى فى كل ليله
------------------
كبرت والعمر رايح
والحمل فوق كتفى عالى
يارب تدوم المطارح
ليك ياأبو قلب خالى
-----------------
يارب خفف حمولى
ولا تخللى حد يعانى
بااطلب منك ياربى
ترزقنى بالرزق الحلالى
--------------------
يارب هون علينا
ورقق قلوب الأماره
كبرت وماباليد حيله
ولا حدش فاهم العباره
-------------------
اعرف قدرك وصونه
يارب تعين الغلابه
وياريت اللى ابوه عايش يصونه
وكله هيتسجل فى كتابه
لما ابوه يكبر ويحتاج
وتنذل على عنيه جفونه

يخاف من ربنا ومن عذابه

صعيدى انا
ومن طبعى أصون طبعى
لا انا قاسى
ولاجبار
ولا خاين
وده كله ماهوش طبعى
أنا راضى ومش باغى
ولا طاغى
ولاطماع
ومش ممكن اتجسس على سرك
ولا اكون سماع
وأصون عهدك
واحافظ كتير على ودك
ولو مره كنت متدايق
أموت عندك
أنا صعيدى ومن طبعى
لا اكون قاسى
ولا جبار
ولا خاين

لما تغيبى با اتعذب
ولما تعودى تعود روحى
وبعنيكى أشوف روحى
ولما الجرح يتعبنى
ولا الشوق يغلبنى
اناجى نفسك الحلوه
واسمع فى الخيال غنوه
تلملم ضعفى وجروحى
واسيب روحى تسرح فى جمال سحرك
واعتب على طبعك
واقولك يا روح روحى
أنا باسأل أنا بربك
ليه تييجى وتروحى ؟؟
ومش عارفه إنى با اموت
لما تغيبى عن عينى
ياما ياحلوه نفسى أموت و أدفع لك
فى الهوى عمرى يكون مهرك
ياريتك زى ما افتكرك
ياريتك م تنسينى ..
ياريت !!!!!!

منين ييجى الحنان يعنى؟

ومين يشعر باللى يوجعنى ؟؟

وانا عايش وسط ناس ماتت

ماليها قلوب ولا بتحس ؟

ولا داقوا حرارة شمس توجعنى

ولا إنسان عارف يشوف حالى

وقلبه يرق

ولا ضميره ف يوم يصحى ويسمعنى

ولما يشوف كده حالى يفكرنى مش إنسان ..

ولايهمه وإيه يعنى؟!!!

ولما اصرخ من الألم والجوع

مفيش واحد بس يسمعنى !!

غير شى بس يتعجب..

كاإنى زباله ولا أعجب ..

ولما انام فى الخلا وحدى.

وفرشتى فى الشتا السما وارضى.

برجله يدوس على راسى

ويقتل فيا إحساسى

ولا يسأل أنا من فين ؟

ولايعرفش مين ناسى !!

وانا راضى بدا وابكى..

بطوبه تريح فى الخلا راسى

------------

وعجبى

صحيحٌ بأ نى نويتُ ألملم ســـــــترى
واعلن للناس كل الحقائق عنك وعـــــنى
وأبدى لكل محب تعشق ســـــــــرى
لكنى خشيت اغتصاب الســـعادة منك ومنى
فما كنت أهدر ستراً يضم كلينا حـــــبيبى
وماكان يرضينى كشف الحــــــقيقة منى
كل الحــــــــقيقة أنى أحبك حد التمنى
وأملى رضــــــــــاك وأن لا تلمنى

مـــــــن ؟!! :
----------
من يخبر الحكام عنى أن أموت ؟
والجوع يهلكنى ويقتلنى برد الشتاءْ
من يخبر الكهَّان عنى أن أجوع
وألملم القوت المدنس باالوباءْْ
من ؟! ــــــــــ ومن يخبر الناس عنى إن عَرِيتْ
وإن مرضت وإن بليت بكل داءْ
من ذا الذى يرضيه ماقد لقيتْ
من الجهل المدمر للعقولْ
من ذا الذى يرضيه أن أعيش وفى العراءْ
من ؟؟!!!!
ذاك طعامى كل يوم ْ
هذا ردائى وقد بُلِـــيتْ
تلك دموعى ما بَقِيتْ
هذى ضلوعى مُزِّقَــت ْ
إنى أراك منعماً
أما أنا فلقد شَقِـيتْ
اللهو بدد مالكم ْ
وجمالُكمْ
أما أنا إنى أموتْ
الأرض لك ْ
الدار لكْ
الحب لكْ __ العلم لكْ
أما أنا لا أرض لى
لا أبَّ لى ..لا أمَّ لى
من ذالذى يأوينى ثم يحبنى
لاشىء لى
سوى طفلٌ هَـلِكْ

غلط ......!!!!
تفهمينى ليه غلط ؟
لو كنت عارفه فى الغرام أى كلام
غير اللى كنت تعرفيه تبقى غلط !!
الحب كلمه ليها معنى و شوق كبير
الحب لا بيعرف ضغير ولا له كبير
الحب وحده هو الحكم
ملك القلوب اللى ملوش ف الدنيا دى أبدا كبير
ممكن تحب قلب ماتعرفوش؟
ممكن تحب كلام فى حب م حستوش؟
لا د الحب أعمى للعنين وم ننكروش
ممكن تشوف يعنيك كل حاجه في الدنيا حلوه
والوحش أحنا م نشوفوش..
الحب يجبرنا ع الصراحه والسماحه ع الوشوش
الحب فرحه ودحكه حلوه وابتسامه تديهالى
مش خصام وعتاب وهجر ف طول الليالى
الحب ده ملهوش مثيل يشبهه
واللى تحبه مش ممكن انت تكرهه
الحب ده تحافظ عليه ولا تنكروش

لا تقلقى ؟؟؟
لا تقلقى إن المحبة لا تشيخ ْ.
لاتقلقى فساعدى يقويان على العناق
مازال قلبى الغض الرؤوم
مازال ينبض
با المحبة ..والمودة..والوفاق
مازال قلبى يزجيكِ القُـبَلْ
مازال يذكر تلك التى أهدت لحبى ذاك الأمل
مازال يذكرها
مازال يذكر تلكم الشجره العتيقة
تدلى غصنها يحتضن العشيقة
فأغار منها أن تداعب وجنتيكِ
أو أن تلامس تلكم الأيدى الرقيقة
مازلت أذكرها
وقد سرقت من راحتيكِ العبيرْ
فأخاصم الغصن وأتهم الزهورْ..
وأشيح عنها غاضبا ومعاتبا
أن لا تجورْ
لكنها أبدت إلى تأسفاً
وتمايلت تهدى إلى ثمارها
تذجى إلى نصيحة
إن كان حبك لا يُطال
يكفينى منه تفضلاً ..هبة النسيم
لطالما قويت به منى الأواصر والجذورْ

آه منها حماتى دى ست حلوه للنهايه
وبنتها تقولش عامله نفسها جولييت زمانها
وهى زى برميل يزقوه ع البلاوى
مغلبانى كل يوم ليها حكايه
ولما اشتكى ف مره لحماتى
نزعق كتير وتزيط تهاتى
وتقول يادلعدى ظلمت بنتى معاك ياخايب
دى بنتى دى آخر الحبايب
انت مش عارف ناسبت مين؟
د اللى ميعرفش ابوها غلطان وعايب
وتردح الست العبيطه شمال يمين
وتقطع فى الهدوم وتغمض عنيها رموش وحاجب
واعيش انا فى البهدله معاها حماتى
ولا ارعرفش ارد بكلمتين منها مراتى
آه منها وآه من أبوها
كرهت والله اللى يعرفوها
وزهقت من صبرى عليها ومن سكاتى
قولولى اعمل إيه فيها الأروبه
اللى مرمياش فى قرفتنا طوبه
كرهتنى فى الحريم وزهقتنى من حياتى

كُفى عن الكلام حبيبتى فلـــــتصمتى
فالصمتٌ أبلغ من حديثكِ فااسكتـــــى
ودعى العيون الهامسات يالحوار المــلفتِ
ودموعك التى تنساب فوق الوجنتين حبيبتى
ويداعب الكــحل الجبين ومقلتـــــى
ونرتعش الشفاه حبيبتى فوق الشــــفاه
فأ نا قتيلك فى الهوى وأموت بعد القٌبــلَةِ

إفهمينى حتى مره إفهمينى
ليه تخللى الحلوه مره وتظلمينى
ما انت عارفه قصدى إيه !!
إيه يعنى قصدك تنكرينى ؟!
لو نسيت الدنيا عمرى ما انسى
قلب حن فى يوم ويقسى
وإن غبت عنك ياريتك تذكرينى
أذكرينى كل ليله شفنا بعض
أذكرينى لو تلاقى شكلى حـــــد
بس حبك إحفظيه جوه قلبك
واحفظينى..........
وافهمينى حتى مره واذكرينى

ليه قدرتى تهجرى ؟!
وتبعدى
وتعندى
طب فكرى ..
فكرى فى حب اتبنى
ولا ف شبابى اللى اتفنى
مع حبنا
--------
فكرى !!!
ف عيون تشوفك فى الحلم احلى م الخيال
ف قلوب تحبك من زمان
حب م تشلهوش جبال
ليه قدرتى تهجرى
طب فكرى
------------
فكرى ف يومنا اللى جاى
فكرى ف ذكرى مضت
فكرى ف دمعة عيونك
اللى سالت ع الخدود
فكرى ف حب بينا ملوش حدود
فكزى ..
------------
فكرى..
إياكى تنسى الذكريات
وتتوهى منى ع الطريق
وتتحيرى
أرجوكى بس تفكرى !!!

إنتظرتك كل ده وانت مفيش
فاكره إنى باانتظارك قادر اعيش
ظلم إنك تتركينى لوحدى اعانى
الانتظار المر _ بيهد الأمانى
وإن قدرت ف مره أصبر
إنت متفدريش
إنتظرتك وانتظرك ..
الأنتظار مراره فى حلقى طعمه
والثوانى ف الانتظار ساعات طويله
والأمانى الحلوه راحت بانتظارك
معدش ليا فيكى حيله
والحلم اللى كان فى عقلى
راح خلاص بانتظارك مده طويله

سر اقوله ليكى وحدك
سر م تقوليهوش لحد
بس انت توعدينى
كنت يوم قاعد لوحدى
كنت عايزك تقصدينى
وف خيالى شفت خدك
كنت شايفك حلوه خالص
عمرى م شفت حد قدك
كنت فاكرك ونستينى