علمونى دروس كتير مافهمتهاش
علمونى ف الحساب
لما اصاحب احسب كل حاجه صح
وقالوا لو صاحبت حد متعرفوش
حاول انت تعرفه واقراه كتاب
وعلمونى ف التاريخ
لازم اعرف اللى فات
واللى كان واللى باقى منه ذكريات
أصله ده ةهو الكلام اللى واجب تعرفوه
التاريخ هو بصمه للى جاى
هو اصلك القديم مهما كنتوا هتخافوه
علمونى دروس كتير

كل حاجه اتغيرت إلا إنت
من يوم عرفتك وانت غاليه
يارقيقه
انت كل أنوثه فيكى
فيكى همسه ليل نديه
فيكى نظره عين وفيه
فيكى كل حاجه حلوه
كنت با اتمناها ليا
انت نسمة صبح جايه
بعد ضلام الليل ماطول
انت لمسه انثى حلوه
سبحانه اللى خلق وصور

مابال قلبك المجنون يجدد الطعنات فى قلبى
ويعشق الجرح الذى أدماه ولا يعشق حبى ؟؟
أعشقت الدماء تطعننى بلادنب جنيت ْ؟
وترجمنى بالحمم التى تقتل أى حبِ ؟
تقتل الأشياء الجميلة
والفضيلة فى قلوب العاشقين ..

تقتلها أنت ؟
إنى عشقتك حين كنت تداعب الريح بالوجناتِ
وتمرح فى براح القلب بالضكاتِ
وتنثر للورد عبيركَ ..
ماذا يضيرك فااعترف ؟
كيف قتلت ؟

ليه الدمار فى كل بيت ؟
والبراءه تقتلوها ؟!
طفله عايشه فى الخراب
تنام وتصحى ع التراب
تتمنى تصبح ماتلاقوها
ما بتاكلشى غير بارود
واحنا عايشين فى البرود
طفله بتبص لبعيد
مش عارفه مين قاتل أبوها
ليه عليكم أم هانت
وابن واخت وبيت بحاله
تدفنوهم ف التراب
من غير جريمه يعرفوها
سوريا لو هانت عليكم
المساجد نهدموها ؟؟
طب ليه تهدوا ف البيوت
وناس كتير كتير تموت
من غير جريمه يعرفوها

ياشقــــــيه
كل ماالاغيكى اشوف الحب ف عنيكى
واشوف الهمسه والنسمه
واقول ياريت تكون م البخت والقسمه
وأشوف حرفين على خدودك الحلوين
الحا ياحبيبى خللينى اتوه فى عنيك
وارسم ف القلوب رسمه
وألونها بلون خدك
واطبع فوق شفايفك الحلوين ميتين بسمه
وحرف البا انا بحبك يامجنونى
يامسهرنى طول الليل بافكر فيك
وانا شايفك وبعيونى
ولما انام أحس انك نايم على جفونى

هات عينيك تبص ف عنيا
بلاش صدك ....
تعالى نعيش انا وانت حياه حلوه
وأرسم حبى فوق خدك ..
ونكتب فوق تلال الشوق
انا وانت لحن جميل ويتغنى
بلاش بعدك
ونرسم انا وانت قلوب عشاق
وسهم الحب فى القلبين
ويجمع بيننا حنين ولهفه كلها أشواق
واموت عندك ..
حبيب الروح كفايه نعيش انا وانت
ولا تسيبنيش انام واصحى على سهدك
بلاش والله ..بلاش صدك..

مين ياترى علمك تقسى ؟؟
قلبك كان رقيق ناعم ..
وكنت لما أذَكَرَكْ تنسى
وتعمل نفسك يعنى مش فاهم
مين دخل عقلك ؟
ومين علمك غيرى
تسهر وتعشقنى
وتعيش غرام حضنى؟؟؟؟؟؟
كنت أحضنك وارتاح
و الدنيا براح ف براح
وف الآخر يسوء ظنكْ
شكلك بعيد عنك
عايزنى اموت وارتاح

ياريتك بس تـــــــــــسمح لى
بنــظرة عين وتــــــــشرح لى
إيـــــــــه اللى انــــكتب فيها
فيــها دلال وحــــــــــــنيه
وفيها ســـــــــــؤال محـيرنى
وفيها موج بــــــــــــيندهـلى
فيــــــــــــــها اتغيرن ألوان
واتبددت فى الجـــمال احـــــــزان
والدنــــيا بقت خضرا بدل كــــحلى
ياريت ياحــــــلو تــــشرح لــى

باين عليكى مكســـــــوفه
ومش قادره ع الوصـــال تانى
ونسيتى العشق وحــــــروفه
وحااعيش فى حبى وحــــدانى
لو كنت شفتك فى الصفـــا مره
أتمنى اشوفك فى الخـــيال تانى

غـــــــــــــيرى لونك ولون قلبك
خــــــــــــــللى الدنيا تفرح لك
بلاش لــــــــــــونك الأســـود
سواد الليل بلون شـــــــــــــعرك
بلاش تــــــــــهدى حاجات يـــاما
تهدى الحـــــــب اللى كان طــــبعك
وتنسى ولو مــــــره ف يوم أصـــلك
وتــــــــــــــعيشى بقهر وملامه
بلاش تفتكرى حاجــــــــات مانفهمهاش
وتعـــــيشى حيـاة الحزن قلنا بــــلاش
تــــــــــــعيشها وأفراحـنا بتندهلك
ويبقى الحــــــــزن ف عنيـكى له معنى

وساعة الحب لو ضاعت م نمــــــلكهاش

هذا حــياء ٌ. .أم دلالٌ ..أم تجنـــى ؟!
أم دلالٌ لو رأت عيـنيك عيــــــنى
وابتسامٌ خبأته فى عباءتها  الرقيــــقةْ
وابتعاد عن حبـيب وتجــــــــنى
وجنى الخدين مثل الورد فى ركن الحديـقهْ
تـــخجل العينين منى أن أنهـل رحيـقهْ
أو كـتفاح يرجونـا قطــــــــافاً
تـستحى العينين منى أن أذوقـــــه ْ!!

ياللى هواك فضاح
وانت شاغلنى بجنونك
ياريت ياحلو ترتاح
وتنسى اللى مزعلينك
ونعيش براح فى براح
واسرح واتوه فى عيونك
هو انت بتمر ليل وصباح
ولا تمرش علينا بجنونك
الفين سلام ياجميل منى
مرسومين فوق جبينك

----------------

ياعين مالك ماتبكيش
ع اللى ضيع سنينى
فى حبه ولا شافنيش
ضايع بحبى وشجونى
والله ياعين مايرضيش
صد الحبايب معايا
كنا بدنا نعيش حبنا م البدايه
الحب يلعن سنينه
كاوينى فى كبدى وحشايا

أنا ها ارحل
أنا ها ارحل ومش راجع
أنا با اكره طربقى الصعب والغربه
خلاص قررت مش راجع
انا ها ابعد ..بلاش اعند
بلاش أحيا حياه صعبه !!
مفيش فيها غير أحزانى وهمومى
انا ضايع ......
فى بحر عميق انا با أغرق
واحلامى خلاص ضاعت فى موج عاتى
ولما الموجه ترمينى على شطك
ألاقى الثانيه تحدفنى
فى مكان اعمق
وانا با اغرق

عارفه ليه الهم بيأثر فى قلبك ليه؟
عشان قلبك رقيق صافى
مايعرفشى السواد والغل
عارفه لما باشوفك تدحكى للكل
باحس الدنيا كلها بتدحك
و بتقولك أمان ياحلوه ماتخافى
وبتخيم سحابة حب
وتزغرد بالمطر وافى
يسقى العطش للكل
وبينبت فى ارضك الياسمين
وبيزهر فى بستانك ورد بلون صافى
ونتنسم رحيق الفل

مكنش العشم والله
مكنش العشم فيكى
أحبك حب ملوش آخر
وانتى تخبى فى عنيكى !!
واسمح لك بكل الشوق
وافتح لك بيبان قلبى
وحتى اللمسه والدحكه
اللى تغرينى وتغريكى
منعتيها ..
بخيله بجد
وبخلك سهم يقتلنى
دانا غيرك ملياش حد
حبيتك وامرى ف اديكى
يا بخيله !!!!!!

مين عارف ها اشــــــــــوفك فين آخر مـره
ولو عمرى خـــلاص هيـــــــروح وميعد شى
ربطت ضـــــــلوعى بضلوعك فى كل مكــان
رسمت عنيــــــــــــــــكى فوق رمشى
ويادوب صـــــــــدرى على صدرك أحس أمان
ومن غيرك ياسـت الكل ما اكْمــــَـــــــلْشِى
أنا وانت جسـد واحد مفــــــــــــيش غيره
ومن غيرك مفيش عشــــــرة وم تدومشــــى

حطمى كل القيود ..
فكى الوثاق......
وانشدى لحن الحقيقة فى ربوعك
وارسمى الصور الحزينة
واثبتى رغم النفاق..
واصنعى من مقلتيك قنبلهْ
للآثمين المعتدين على وطن سجين
فإن سجنوك حيا اوقتلت لافرق عندهم
قتلوك أو سجنوك او اسروك
فالكل آثم او منافق لا يطاق
قتلوك اوحبسوك فى حيفا أو فى الخليل
وصموا المذلة فى وجوه كل جيل
قتلوا البراءة فى عيون الأبرياءْ
فالكل يمرغ فى النفاق
فى مصر الف فصيلة تهوى الرياء
وفى عراقك ياوطن قتلوا النساء
وفى الشام الأبى ترملت أنثى
ومات الطفل من البكاء
ياويلتى على وطن تشرد فى ربوعك ياوطن
ونحيبنا وصراخنا ونباحنا أضحى هراء
ياويلتى !!!!!!!!!!!!

هانت دموعك إن بكيتى على الرعاع
حتى الرثاء من المآثم عندهم فى الحزن ضاع
لا لوم أبدا إن تبدى ريح الخيانة فى البقاع
أو تبدل العطر بالعفن الكريه
أو نام طفل فى العراء ..
أو حتى ينهب قدسنا لا بأ س أبداً عندنا
لا بأس أن أجبروكِ على الضياع ْ
لا بأس !!!!!
أو تبدد من ربوع القدس بخورها من الف عام
لا تيأسى فالوقت حان ..
قد يخلق من ترابك بعد حين ؟
رجل يدافع عن ترابك ْ..
صلاح الدين عائدٌ يوما اليكِ
وعد الله و إن نسيتى فى كتابك ْ
هانت رؤوس الناس حتى على الشيوخْ
وأبوا إلا الرياسة والشموخْ
وهْــــــمٌ _ وهَـــــــمٌ وكلاهما فوق العمم
وعلى الرؤوس
هانت دموعك .. إن بكيتى على الرعاعْ

يامغروره ماتتغريش
الدنيا غروره إيه تسوى ؟
بلاش تغيرى لونك ولا تخبيش
حنان القلب بالقسوه
لو تتغرى هتضيعى مع الأيام
وأحلامك ركام فى ركام
وعمر يضيع مايرجعشى
وحتقولى كانت ايام !!
ياريتها تعود ولا اندمشى
ياريتها تعود وكنت أصبر
ياريتنى أشوفها لو لحظه
ياريتها تمر فوق رمشى
وتتمنى حاجات كانت
وحتقولى ياريت الايام لينا دامت
ولا تدمشى ....

كلامى كتير مايتكرر
كلام مفهوم ولا غيره
قتلتى الحب مش أكتر
وباقى الجسم مش غيره
لكنى بااحس بالعلقم
فى حلقى كتير مفيش غيره
بلاش تقطيع فى أبداننا
كفايا كلام ملوش معنى
أحسن حد يسمعنا
وينسوا الحب والمغنى
ونبقى جنينا ع الحرفين
انا وانت حكايه وبس
حكايه مش حتتكرر
وغيرنا يحب ويغازل
واحنا لسه حنـــفكر