منين ييجى الحنان يعنى؟
ومين يشعر باللى يوجعنى ؟؟
وانا عايش وسط ناس ماتت
ماليها قلوب ولا بتحس ؟
ولا داقوا حرارة شمس توجعنى
ولا إنسان عارف يشوف حالى
وقلبه يرق
ولا ضميره ف يوم يصحى ويسمعنى
ولما يشوف كده حالى يفكرنى مش إنسان ..
ولايهمه وإيه يعنى؟!!!
ولما اصرخ من الألم والجوع
مفيش واحد بس يسمعنى !!
غير شى بس يتعجب..
كاإنى زباله ولا أعجب ..
ولما انام فى الخلا وحدى.
وفرشتى فى الشتا السما وارضى.
برجله يدوس على راسى
ويقتل فيا إحساسى
ولا يسأل أنا من فين ؟
ولايعرفش مين ناسى !!
وانا راضى بدا وابكى..
بطوبه تريح فى الخلا راسى
------------
وعجبى
ساحة النقاش