(مجلة كل الخواطر) عصفورة القصر -----بقلم الشاعر \عبد الله السايح

........(عصفورة القصر)...........
الليل والويل بقوا للقلب محصوله
ياسهرايه تعبني الحب وأصوله
وشوق حيران على جذوره
لو أطوله اكيد هنّام
حبيبي وساكن العالي
وماشي سريع وطوالي
ومايبالي ..... وأنا بالي
وخوفي غزلته في حبالي
عاش خالي يقول لي سلام
عشان خالي يقول ياكلام
مع الأيام يبان أحلام
هتتحقق وماتدقق
ولا في شقوق هتتشقق
ياسنيورة قولي إستسلام
بقت ماتنام وعايشه هيام
ولكن في العيون قلقان
وأنا غرقان ومش عارف
قلقها إمته هيبان
ياحب إختارني أنا وقلبي
وخليت القصور دربي
وأنا كربي أكيد حيران
حبيبي بعيد قوي عني
يقول وأعيد وبيغني
ودمعة منه أو مني
على قلبي بتغسلني
وصوت طالع يقول عني
أيا هيمان ...
تبص لفوق هتتزحلق
ومهما تملي هتبحلق
في بحر الهوى تغرق
ولا يمكن تعيش فرحان
عصفورتي حياتها في الأ"وضة
كبيرة .. صغيّرة....روضه
.صعب تعيش على الموضة
وتتنفس حياة سودة
وصبح القلب يوم تعبان
مفيش صاحب ولا تصاحب
ووجه جميل لكن شاحب
حياة مشدودة ع القالب
وحب الأهل بمخالب
لاتعرف سوق ولاشارع
ولا حاجة تكون قربان
حبيبتي تملي مخنوقة
ومزنوقة...
حياتها تملي مزقوقة
حقوقها ضايعة محقوقة
وخايفه تملي م الغربان
يقولوا حرام 
وتهمه متلونه بدهان
كمان العيب بقى في الجيب
حياتها كلها أحزان
مابين ترهيب وبين تعزيب
وبين ترغيب
وكل اللي في حياتها يبان
وأنا عاشق يامعشوقة
وفيه شوقة ومرزوقة
ياروح وكيان
ولكن صعب أوصل لك
ومين يقدر يوصل لك
غرام عزبني ويضرك
أنا حبك أنا قلبك أنا سرك
أنا العاشق أنا التعبان
ياسور عالي لكن غالي
وأنا وحالي ومحتالي
على بابك وشايل آهه 
في سحابك
تقول الشوق في هيبان
يابوابة حارسها ديابة
ياقصر جميل لكن غابة
يالوحة وواضحة في كتابة
يموت الحب في لعابه
ولانوافق على عشقان
ياحب سكن العالي
أنا الغالي وقلبي بس ترحالي
نفخت في نايي على حالي
وقلت الدنيا تحلالي
ومستني في كسبان
ياحب في قلب مداري
وبيلالي ياسرب حمام
يمامتي في الهوى مالها
وليه شالها مابيشيلها
ولا للمايله بتعدلها
ولافيه حاجة تعملها
غير الدمعة تطير سامعه
وتطفي في الحياة شمعة
عشان في البرج حطوها
ومنعوها.....
عشان تنزل تكون دمعة
وتنسى الحب وسنينه
ولو حساه بقى تهينه
أميرة وتاج وحفظينه
وفوق في العالي شايلينه
ونسيينه .. ولا بالحب حسينه
يادمعة مكانك هنا عندي
تعالي وبطلي تعاندي
تعالي عيشي في عيوني
وحزنك تاج على جبيني
مخليني أنادي إلهي سامعني
وحاسسني ...
أطول الغالي في العالي
وطوالي أنا في بالي
تكون الضحكة رأسمالي
ورسمالي بين الضلع سكتها
ولا في شئ يسكتها
غير موتي في ترحالي
.........(شعر)........
عبد الله السايح