(مجلة كل الخواطر) كلة فيس -------بقلم الشاعر \صلاح قناوى

كله فيس
..........
لماتكون طالع من وحده
فجأه تقابل أحلى واحده
ومشاعرك تقوم متحده
وتعمل إعجاب زى الفيس
...............
وتبعت بعيونك نظرات
زى رسايلك اللى ع الشات
وتفكر تعمل حوارات
بالظبط وكإنك بتعلق ع الفيس
...................
بتحاول تكون شاب جندل
وخايف من إنك تتنقدل
وعاوز تبرر وتعلل
وكإنك بتشير ع الفيس
................
وبتحاول وبكل رواقه
ماتخليش أحاسيسك معاقه
وتعمل فيها حريف سواقه
وزى ما تبعت صداقه عالفيس
.............
وياعينى لو قبلت ودك
بتحس إن مافيش حد أدك
ومشاعر منفوضه من جلدك
ماهى قبلت إددك زى الفيس
..........
تقابلها تبين ليها إعجابك
وتبقى هى أعز أحبابك
وهى الوحيده اللى على بالك
وتكون الإنسانه المخلصه ع الفيس
...........
وحياتك تبقى بإشعار
وتدمن ياحبيبى الكار
وليلك يبقى عز نهار
بالملى زى إدمان الفيس
....................
يبقى عمرك ماهترتاح
وتكون يابرنس سواح
باسورد واميل بمفتاح
زى بروفايلك ع الفيس
.......................
ده بالنسبه لحب حياتك
واللى بيسعدلك أوقاتك
وتحس فيه بشجنك وسهادك
وحاجات كتير تشبه الفيس 
.......
‫#‏صلاح‬