*** ارحم قلبي
-------------
بطــرف عـنينا بنخطـب ودك
ياللي مفيـش في جمـالك قـدك
نفسي في شمه وبوسه لوردك
احنـا تعبنـا كتيــر من بُـعــدك
ميــن بالطلـه هـيملا الشــوف
بـلمسـة أيــده يـزول الخــوف
عشقــك نـار وسـاكن الجـوف
أمتي هـتــوصل ودي بــودك
عشقي لقلبـك علي المكشـوف
وعلي بساتينك عيني بتطـوف
عيب يا جميل اعمل معروف
احنا كتيـر تايهيـن من بعــدك
يامــا ايــام ع البُعــد صبــرنا
ما شفنا النــوم ليل ويا نهـارنا
وفـاض الـدمـع وانـت قمــرنا
انت النــور وبعنيـك بنشــوف
مش قـادر علي بعـدك ثـانيـه
اللحظـه في قُــربـك بـالـدنـيــا
والدنيا في حضنك حاجه تانيه
أمتي ياروحي هنحضن قلبـك
صبرنا كتير تايهين من بُعدك
وانت علينـا بتخلــف وعــدك
أمتي هـتــرحم قـلبي بقــربـك
ياللي مفيـش في جمـالك قـدك
-------[مبروك البنا]-------
