احنا جيل تعبان اوي مات مننا كتير اوي لحد دلوقتي من اول بداية الثورة ولسه ربنا يستر لكن اللي محدش يعرفه ان رغم انه مات شباب كتير مننا في ربيع العمر الا اننا كشباب معظمنا مات من زمان معظمنا ميت ومكسور ومحجوز نفسيا من زماااااااااااااااان والمقولة دي بتفكرني بمشهد ميلودرامي للراحل العبقري احمد زكي من فيلم المخطوفة تقريبا اخر مشهد في الفيلم قبل النهاية لما الفنان وائل نور وكان اسمه علي كان جاي مسروع وبيجري وهو بينادي علي اخوه الفنان احمد زكي اللي كان عامل دور حسين  وبيقوله ...........ياحسين........فيرد عليه احمد زكي ويقول:علي ايه اللي جابك ياعلي.......ويبادله الحوار وائل نور: حسين عملت كده ليه ياحسين.......فيرد احمد زكي:اطلع من هنا بسرعة روح......ويرد عليه  وائل  نور :       انا مش هروح من غيرك يا حسين  حسين احنا ملناش حد غيرك انت ابويا واخويا وكل شئ في الدنيا حسين ......فيرد احمد زكي:عشان خاطري ياعلي لوكنت بتحب اخوك روح انا كل اللي بعمله ده عشان خاطرك وعشان خاطر اختك بنتقملكم من راتب بركات متبقاش السلاح اللي يقتلوني بيه ياعلي روح ياعلي ورحمة امك لتروح.........وهنا تتجلي عظمة وروعة المشهد فيتكأ وائل نور علي الارض وهو يبكي بشدة .........ويرد عليه العبقري احمد زكي قائلا: ليه ياعلي ايه اللي جابك...جاي تشوفهم وهما بيقتلوني...ما انا ميت...ميت من زمان يا علي..... ما انا ميت من زمان ياعلي....ويتكأ علي الارض ويضرب علي يديه بشدة , ........................... بجد الواحد بيحس نفسه حقيقي انه عايش ومش عايش موجود ومش موجود ميت يمشي علي الارض وسط الناس احاسيس كتيرة اوي متضاربة كلها عكس بعضها بحس بيها في اللحظة الواحدة  المشاعر والاحاسيس كلها مختلطة ببعضها متلغبطة علي بعض مبقتش اقدر افرق مابين دا او دا وطبعا كل الكلام ده بحس بيه  من فترة ولكن اختلف احساسي بالموضوع لدرجة فوق الطبيعة لدرجة رهيبة بدرجة تخوض في عمق الازمة في الوقت اللي احنا عايشينه دلوقتي بعد الثورة ولحد دلوقتي وياعالم ايه اللي مستخبي فيكي يا دنيا  بقيت فعلا بحس اني بموت كل يوم ميت مرة يمكن بحس بحاجة اغرب اني بموت في الثانية الواحدة اكتر ما بكتبلكم اي حاجة ....طبعا انا مش هدفي من الكلام ده اني انكد عليكم لاسمح الله ..او اني اشغلكم بمشاكلي وبمواضيعي اللي مبتخلصش ...بس القصة ان الاوضاع الحالية لاتطمئن احد بالمرة وفي النهاية لكم الله يا شعب مصر ويا كل العرب المقهورين والمستضعفين وشكرا ليكم انكم سمحتولي ارذل عليكم وارخم بما فيه الكفاية واديتوني من وقتكم عشان اضايقكم واشوفكم في موضوع جديد واترككم في حفظ الله ورعايته وشكرا جزيلا.