مرة مذيعة استضافت الملحن الجميل المتألق دائما الفنان محمد يحيي وسألته عن النفسنة بين الفنانين والنفسيات السودة اللي موجودة في الوسط الفني وهل ينفع يكون فيه نفسنة بين الوسط الموسيقي والوسط السينمائي وايه حكايته هو شخصيا مع النفسيات اللي موجودة في الوسط وهل هو بينفسن ولا لأ قام الملحن العبقري محمد يحيي رد عليها رد جميل ل...أقصي درجة ممكنة قالها جملة واحدة بس لخص بيها كل الكلام وهي أن الفن احساس في المقام الأول والأخير فهل ينفع اني العب الجيتار وانا اعصابي مشدودة او متنرفز فالمذيعة قالتله لأ فقام قالها كذلك مينفعش اشتغل او ابدع في فني او اعمل حاجة جميلة وانا مش حاسسها او مش مصدقها او مش عايش اللحظة نفسها والا أقعد في بيتي احسن او نقعد كلنا في بيوتنا احسن ونشوف شغلانة تانية ينفع فيها الشغل ده وكان مبرره الوحيد ان انشغال الفنان بالرد علي المهاجمين لفنه او بالدخول في خناقات مع فنانين زملاء بيعطل الفنان نفسه وبيبوز احساسه بالشئ وبيأخره في شغله جدا حتي لو كان هو مين في اللحظة دي بس المذيعة لما سمعت كلامه ورده الجرئ وشها اتغير من روعة وصراحة ما قاله فأنا شخصيا بناشد كل من في الوسط الفني او من تسول له نفسه الدخول في هذا المجال العميق ياجماعة بلاش ندخل في تفاصيل ومهاطرات ملهاش اي لزمة ايه الغية لما نرخم علي بعض او ننفسن علي بعض او نضايق بعض او نتخانق مع بعض او نقعد نشتم في بعض علي الفاضي ايه اللذة اللي في كده ايه اللذة لما نسلط بعض علي بعض او لما نوقع بين بعض او لما ننافق بعض في الشغل او نجامل بعض علي الفاضي مع عدم الاقتناع أنا شايف ان كل الحاجات دي ملهاش اي لزمة خالص بالمرة وياريت كلنا نبطل نعمل كده بجد دي دعوة عامة للجميع وانا اولكم عشان محدش يتكلم مع اني مش بعمل كده خالص لأن القضية كلها اصلا مش مستهالة ده كله دخلنا مجال الفن يا نبدع بجد ونطلع شغل كويس يا نقعد في بيوتنا احسن ونشوف شغلانة تانية ونوسع الطريق للموهوب الحقيقي وده كله مش هيحصل الا لما الحال يتصلح من جوانا احنا ونرجع نحب بعض ونخاف علي بعض ونوسع لبعض في الخير ونعطي الفرص لبعض لما نوصل للحظة الصدق دي مع انفسنا ساعتها هنحس ان الفن اتغير كتيرررررررررررررر وهنكون احنا فعلا صورتنا احسن قدام كل العالم وهنرجع تاني الثقة للناس في المجال ده اللي تقريبا انعدمت هذه الرسالة ليس الهدف من كتابتها هو الكلام علي الفاضي ولكن الهدف الحقيقي ان نعلن الثورة علي هذا المجال وتصليح ما فسد فيه لأن الثورة ليست سياسية فقط ليست علي الظلم والقهر او الفقر والبطالة او ماشابه فقط ولكنها ثورة عامة علي جميع قطاعات الدولة بكافة مؤسساتها وهيئاتها والله الموفق.