اول ما شفتك قلبى سألنى سؤال
قالى حقيقه ده ولا خيال
اللى انا شايفه قصادى هنا
مقدرتش امنع قلبى فضل يناديك
ارتحتلى وده بان فى عنيك
ودى اجمل صدفه فى عمرنا

وبقول اللى انا فيه ده ياريته يطول
وافضل ليك ومعاك على طول
طول منا فيا حبيبى حياه

انت اللى قلبى ارتحلك يوم مالقاك
حبيت تكون ايامى معاك ولا غيرك ينفع ليا انا
انا مش هسيبك عمرى واسيبك ليه
هو الحب ده فين الاقيه دا انت بقيت كده منى انا........................................................... الف رحمة ونور عليك يا عامر منيب يا فنان يا جميل يا نجم يا محترم بجد خسرنا كتير اوي لما فقدنا نجم وفنان زي ده حقيقي أنا حزين جدا  جدا علي فراقك ياعامر ياريتك بتشوفني او بتسمعني دلوقتي كنت تعرف قد ايه بجد ان انا معرفتش قيمتك الحقيقية غير لما افتقدتك  وكل معجبينك ومحبيك وكل الناس اللي بتحبك بجد حزينة من قلبها لكن هيفيد بأيه ده قضاء ربنا والموت علينا حق  ,  لمن لا يعرف هذا الفنان الراحل الجميل أحب أقولكم مختصر بسيط عن حياته وبرده مش هقدر أوفيه حقه بجد...... عامرمنيب فنان مصري اصيل من طراز خاص نجم شامل مطرب وممثل محترف يتقن ادواه جيدا ويقدم اغانيه بأسلوب راقي عالي الاحساس , قلما تجد فنان مثله عن جد فهو نجم كان قدوة طيبة وحسنة لكل العاملين في الوسط الفني ويشهد كل المقربين منه له علي ذلك بل وصل الامر الي ان اصبح ينال حب وتقدير واحترام كل من في الوسط منهم جزء كبير لم يسبق لهم التعامل مع هذا الفنان والقرب منه ولكن سمعة هذا النجم تسبقه ودائما كان يسعي الي اسعاد الجمهور والي تقديم اعمال فنية محترمة تليق بجمهور اصيل من حقه ان تحترم عقليته  , عامر لا يستخف  ابدا بجمهوره ولا يتدني بالمستوي لكي يربح ويجمع الاموال ولايرضي لنفسه ان يكون واحدا من المدمرين للصناعة الفنية في مصر دائما كان يحرص علي الذوق العالي الرفيع وعلي مخاطبة عقول الجماهير , كان انسان بسيط جدا يحب كل الناس ولا يسخر من احدا واحد كان عايشها ببساطة مطلقة لا يتكبر ولا يتعالي ولا يشخط ولا ينطر ولا يكره او يحقد علي احد ولا يضع في حساباته غرور العظمة او هستريا الشهرة والنجاح الفني , وعندما تراه يتعامل مع الناس في الشارع المصري تحس انك امام شخص عادي بسيط لأقصي درجة ممكنة , شخص متسامح مع نفسه ومع الاخرين لايشغل باله بفلان قال او علان عاد او زاد  او ماشابه , شخص يركز في شغله فقط  ويشغل نفسه بنفسه وليس بالناس متهيألي في كلام كتير اوي ممكن اقوله بس مهما قولت او عملت لايمكن اوفيه حقه زي ما قولت قبل كدا وطبعا ده مش كلامي أنا وبس ده كمان كلام كل المقربين من الفنان الراحل , هذا الفنان رغم كل ما اعطاه للفن وما افناه من عمره ووقته في سبيل اسعاد جمهوره لم يلقي التكريم الذي يليق به كفنان لا من جمهوره   ولا من العاملين بالحقل الفني ولا من الدولة وان كانوا وضعوا له قاعة بأسمه في نقابة المهن الموسيقية ولكن هذا لايليق اطلاقا بكل ماقدمه لنا من اجلنا ومن اجل الرقي بالمستوي الفني وكل ما كتبته عن هذا الفنان الجميل من تلقاء نفسي ولا  أريد به جزاء ولا شكورا من احد انما ابتغي به وجه الله وهذه شهادة حق كان يجب عليا ان اقولها وانا معترفا بها ومقتنع تمام الاقتناع ..... واكتر حاجة مضايقاني اوي اني كان نفسي جدا اشتغل مع الراحل         عامر منيب   حتي لو من غير اي اجر خالص يكفيني شرفا اني اكون في يوم من الايام اشتغلت مع حد نضيف ومحترم  او علي الاقل اضعف الايمان اني كنت اقابله علي الواقع او اشوفه ولكن ليس كل مايتمناه المرء يدركه وفي النهاية لايسعني الا ان اقول بدموع العين وانا اكتبها              ........                                      وداعا عامر منيب....                          اللهم اسكنه فسيح جناتك ولا تعذبه في قبره ولا في الاخرة اللهم امين يارب العالمين.