<!--<!--<!--<!--<!--
ما هو الحُب؟(5)
مناظرة بين كبار الكتاب يكتبها بأسلوب ساخر: عصام السباعي
بائع حب العزيز يرد على العقاد:
أنا حاطلب اللجوء السياسى !
أستاذنا الكبير :أنا ماليش فى الثقافة ولا القراية ولكن لما عرفت من الواد سيد الشغال اللى سمع فى التلفزيون انك كاتب عن حبيبى ونور عينى حب العزيز وجه قاللى صممت انه حتما ولابد استقرا كلامك اللى بينقط سكر وخليت الواد بن السباعى المستوظف اللى ساكن جنبنا يقرالى كلامك وبعدما قريتو ماقدرتش امنع الدمعة من عينى ، فأنا كنت بابيع حب العزيز وكانت الدنيا اخر جمال ونعنشة لحد ما المخلوع خلعنى من الشغلانة بعد ماغلا الأسعار وما بقاش حد يشتريه وجت الثورة قلت حتنصفنى وترجع لى مهنتى وابيع حب العزيز قام بتوع جبهة الانقاذ والبلاك بلوك والحمضين خربوها اكتر وتسببوا فى زيادة الأسعاراكتر واكتر وجه الزند يكحلها راح عاميها وقال ايه طالب الحماية من اوباما وماما امريكا
يابيه الدنيا اتغيرت وحالها اتشقلب والأيام لفت واللى فوق بقى تحت واللى تحت بقى فوق والأسعار بقت نار والشغلة ما بقتش تجيب وانطريت اطلب اللجوء السياسى لدولة الاعلاميين عشان الاقى اكل يا بيه ماهو اصل الانسان هواللى بقى الأربعة منه بقرش وعجبى !
طبق الأصل: بائع حب العزيز
