يا الله بيعوا قلب عاشق 
فوق منصة دعشوية 
الجهاد أصبح نكاح 
والمحبة فوضوية 
إسرق الاحلام وخطى 
فوق خيالى 
واملا ميَّة 
أى بحر يبقى ميِّت 
هيا يا طاالوت وخطِّى
غَرْفَة واحدة تكفى ميِّة
وارمى يا داوود جالوت 
زلطة واحدة بين إديك 
صعقة حية 
ضلفة غايبةعن دولابك 
هو فين يبقى الدولاب 
الزمن باقلِب جفونه 
واللى بادفِنا غراب 
فين ليالى ألف ليلة 
شهرزاد غرقت خلاص 
واللى ناجى م السفينة 
مسرور وسيفة 
ولا مناص 
حتى قال النيل عروستى 
والفاروق طبطب عليه 
اهدى واجرى بالارادة 
قهوة سادة 
والكافيه 
والمعز بالعمادة 
حرَّم الملوخيةليه 
البياض ف البيضة باحمى 
كسر فيها بالصفار 
كم عمارة ف كوم حمادة 
والمحلة ف انهيار 
الصحيفة أكلها أرضة 
الا اسم للجلالة 
والحقيقة ف فم غار 
أو ف صخرة رايحة تعرج 
عشق عُمرُه ماكان دمار 
هزى فيَّ الشوق يمطَّر 
والسنا تمرُه اختيار 
الجنازة كلب ميت 
واللى شيَّع كام حمار