والاهمال 
لا زم نبقى أشاعرة 
ونقسم لقمتنا فى ساعة 
الضيق 
ونلملم ف عيالنا الهاربين 
للشيطان 
ونطبطب لما دموع بتسيل 
ولهيب البرد لومان 
الدايرة عشان نقفلها 
يدخلها الكل
ومزارع الفل
تنشر ياسمينها 
وتطل بلابل الروح بسحابة 
مليانة مطرة وضل
وبنات الفكر تعيش
جوا بنات السبعة الصبح
والدولى وأوشا وسواركة 
يتعالجوا بمية أوطانهم 
ونشيل الشوكة والرمح
المغروسين ف عقولهم 
ساعتها أقدر أقولك
إن الهرم اتعدل الوقت 
ما بقاش مقلوب 
خايف لما الناس تتبرمج
وتخش الدير والمسجد 
بمناعة ضد الانسان 
وتعاوى زى كلاب الصحرا 
بأوان 
وبغير أوان
وتشيل الحمل بجهل
زى الاسفار ما يشيلها
حمار
ومسار يتغير بعد الشهرة 
وبعد فتوح الرب
بوهب وطلعة 
يعشقها الناس
بو تريكة مغيب أآو متغرب
بيهد حصون الاسطورة
باديه
وبنزعة غير مفهومه 
وخناس
بيطير منه العصفورة 
ما اعرفش ان حلايب 
وكر تعالب 
والخاينين 
وان الساحة ها تخلى 
وها يبقى جذور الحب 
تمد لتحت وفوقها 
ثمارها 
وعمارها فوق الدم قلوب 
عشقانة 
بارض اجدادها 
وأرض عيالها 
خل مراوح فوقتك
تبعدعنك شر الحر 
ودوخة المخ المغسول
يمكن ساعة الرجعة 
القلب اللى اتنحى 
عن سيرته 
بغيرته يعود
ويطفش سرب الغربان
عن عوده
ويسود
نور الرحمة وضى الحب
الراقص فوق اوراق النسمة 
يبقى نشيد
يبقى نشيد
ــــــــــــــــــــــــ
الدولى واوشكا : شواذ لاغتصابهم 
فى الصغر 
سواركة : قبائل سيناوية للاهمال
بيقى منهم خونة وجهاديين 
الاشاعرة: يمنيون مدحهم
النبى "ص" بالتكافل الاجتماعى 
لزمان : سجن تره 
7 الصبح : فتيات اسكندرانية 
موجهة للفوضى