اسماء الطيور والحيوانات التي كانت تعيش ببلدنا بكثره ..
قطى ؛ بليقي ؛ ديك سمن ؛ سوده ؛ خضره ؛ سنينوه ؛ قرقسه ؛ مريعي ؛ حمره ؛ شحيتي ؛ فسيسي ؛ حنيني ؛ درجه ؛ ابو فرو ؛ ابو النصص ؛ جاجه ؛ قرقه ؛ ديك ؛ حيشه ؛ صيصان .......!!
بقره ؛ بكيره ؛ شوليه ؛ شامبه ؛ هولنديه؛ كديشه ؛ حصان ؛ ثور – فدان – حولي – عمال – عالول – تيس ؛ خاروف ؛ ثني ؛ كبش ؛ بغل – جحش – صليبي ؛ قبرصي ؛ كر ؛ جمل ؛ ناقه ..!! الجحش عنفص ؛ الثور قيقب ؛ الجمل " برغرغ ؛ التيس يصيح ؛ الجحش شلط الرسن ؛علط الجلال – السفر ؛ البقره متنحه " بترضاش نحلبها ؛ حطولها – بو ..
قصة البووو..
حدى بعرف شووو " ألبوو" بجوز " ألأخ أبو أحمد والأخ عمر قديسات ربما يعرفون . على كل بدي اقوللكوا ؛ شوو البوو – في بقر برضاش يحلب بعني بس ألختياره بدها تحلب البقره بتصير تطافش مطافشه وتخابط وتلاخم وتهووش ؛ في ناس هذا ومان خيطوا قماشه وعملوها على شكل " عجل " ودكوها تبن وصارت اسمها " بوو" وصاروا يعومدوه قدام البقره المضربه عن ألحلب والبقره صارت تفكرانه البو " عجلها " وزبطت السالفه وصارت البقر تحلب عادي " لكن بقرة أبو (؟) مامرتش عليها الحيله والبو كان قدامها بالخشه ؛ لما روحت بقرة أبو فلان من الرعية وكانت درتها مسنده تسنيد قريب تنفلج قال الجحي للحجه قومي احلبي البقره ؛ قامت الحجه أخضت ألدلو الكبير وراحت تحلب البقره وبس فاتت عالخشه والبقره شافت
الدلوصارت تجاعر وتهادر وتحوس وتبرم بالخشه " بدهاش تنحلب " قامت الحجه صارت تبرم حويلاها ؛ هووه ياحبيبتي هووه – تعي يمه تعي – دوري جاي البقره قامت " نبطت – جلدت – صفقت – لخمت – ونطحت الختياره والا الختياره بتتدحدل براة الخشه ..!! وبلشت تردح – يقريدي شو طب بالبقره شو – صايبها – جاريلها مصخمها مصخمطها ؛ المهم دبت النخوه بالحجي وقام وازن – عدل – اسند الحجه وراح فات عالخشه وصار يتمرجل ويقول للحجه – حيدي – انزاحي – اندحري – وخري – ويحي – أني هسع بلعن راس ابو اهلها وبحلبها ؛ فات الزلمه عالخشه وبيده الدلو ؛ قامت البقره
جحت عليه وشافت الدلو وصارت تطارد مطارده وهالت التبن وخلطته بالجريش وبعثرت الشوالات والحجه تتولول عالباب وشوي قامت البقره )( شقلت )( ألحجي وانها مطوحيته ببقاع الدار وصار- يتتوخوخ ويصوفر من الوجع والنتيجه ثاني يوم راح على أبو فلان وباعها وقام لحمها وباعها وتريح من شرها وبطل يقنى بقر بالمره ...؟؟
بعض الألعاب ألقديمه
مزاطين ؛ الحجله ؛ الطماوه – الخباوه – المور والجوره ؛ لعبة المسحيليه ؛ دوردني خليلي ؛ القيطار ؛ النطه ؛ الشده – باصره – بناكل ؛ الصينية ..!!
سناني " ثايرات " علي - بلجلجن ؛ َ ظهري برعاني ؛ صابه علي " صخونه ؛ الزلمه " بتعنى " صايبيته تعنايه ؛ الجرح بنغمش علي ؛ ركبتي معيده علي ؛ الدمل " مدوحس ؛ مستوي ؛ محنقط ؛ راسي بطبخ طبخ – عظامي متحل حله
..!!
بدقوا ببعض ؛ جندلوا بعض ؛ لخموا – شرتحوا – اوشلوا ببعض ؛ طبشوا – لحموا ؛ طرحوا – فنعوا – بيدروا – كسوروا – تشاتلوا ؛ تغربدوا )( رحت " رثيت " ثوبي ؛ لخياطه مشخبنه ؛ مشتوره ؛ مكلكله ؛ ملكلكه ؛ مشقبنه ؛ مشنتره .
وصف الحاله الجويه قبل " عبنده .
تراها اقطبت ؛ روحت ؛ اقطرت ؛ ولعت ؛ صلهدت ؛ بتندف ندف ؛ سيل وسايل ؛ اعتمت ؛ حلحلت ؛ اكتمت ؛ ركبت ؛ ؛ اقبلت روقت ؛ ليلكت )(البير" طفح ؛ للرقبه ؛ للروزنه – للخرزه ؛ لبابه ؛ بلاطم ملاطمه ؛ بتارع متارعه ؛ بهدر هدر؛ تزغرف تزغرف ؛ طاف ؛ فاض ...... يتبع
ساحة النقاش