أوصاف والقاب كانت تطلق على بعض الناس ..

 فلان أبرص ؛ احدب ؛ افكح ؛ اعرج ؛ افصج ؛ افرق ؛ الوح ؛ اعور ؛ اعمش ا؛ اعمص ؛ اشقص ؛ ازغب ؛ اطم ؛ اشرم ؛ احول ؛ اشول ؛ اسدل ؛ محثرب ؛ طشم ؛ مطربل طزم ؛ مقحط ؛ شخم ؛ زفر ؛ اهتر؛ افنس متحتح ؛ مطروق ؛ عتره ؛  مجلعد ؛؛ مفركح ؛ معصقل ؛ احلس ؛ املس ؛ ممصرن ؛ مبتر ؛ اقطز ؛ اقبز ؛ زوور ؛ لبك ؛ اكزم ؛ جلف ؛ شدق ؛ صلف ؛ غثه ؛ رثه ؛ رمه ؛ وبش ؛ ترللي ؛ مدلعن ؛ مشمط ؛   عبيط ؛ وخم ؛ )( الحجي – مكحكح ؛ متخرفن ؛ مهرش ؛ مقرن ؛ بارك ؛ رازم ؛ همدان ؛ مردي ؛ معجز ؛ مختير ؛ عتقي ؛ مهبرت ؛ مبزوط ؛ ....!!

********

لحمار جاع يا ابو سعيد بالله توخضه تطوله بالخله بتكسب فيه اجر )( فات ابو سعيد عالخشه وتناول عدة التهجير وحطها بالمشتيل وقاد الجحش وكفت عالخله ؛ أول ما تناول " السكه ؛ قام دقها بالوطاه وطال الحبل وربطه – بعنترة برقبة الجحش وبعدين طال الجنزير والقيود وقام هجر الجحش ربط اديه باجريه ومكنه وروح ؛ قام المغربيات رجع تا يفكه لقاه – مكربس حاله بالحبل والجنزير ومش عارف يدورولايتحرك ؛ أجا ابو سعيد وصار يفك بالمرس وبس خلص فك القيد وصار يفكفك بالجنزير ؛ مابدريش انه اجر لحمار مزلطه من الجنزير وقام لحمار – لهد – رفس – شتر – لشق – سمط – نتع – عقط أبو سعيد و طبش ؛ كسر ؛ طحن ضلاع الحجي وقام

روح بعن – يتوجع – يتطرجل – يتلولح – يتعتع – يدادي – يزم بحاله وبعدين نام بالفراش ؛ اجوا سمعوا الختياريه عن ابو سعيد انه مريض وقاموا زاروه وصاروا يسألو بيه – مالك ياحجي واقع – كافت – داب ؛ متكرفت عن طور ؛ والا رادمه عليك – قلعه ؛ بايكه ؛ خشه والا واقعه عليك سنسله ؛ الحجي مش قادر – يتحلفص ؛ يحكي ؛ يجاوب ؛ يرد ؛ يسولف ؛ بس بنين وبصيح من الوجع ؛ قاموا سألوا الحجه : بل مال الحجي – لا من ايده ولامن حديده قالت : والله مابدري شو صاير معه من يومن روح من الخله وهو – متلقح ؛ متبطح ؛ متمدد ؛ متمغط ؛ رازم  بس طالعيتله بين لواحه ؛ زعموطه ؛ طنعوزه ؛ دحبيريه ؛ خنزيره طابه ؛ وقله تقول ؛ شوندره ؛ دبره – نقله ؛ دعدره تقول زر بطاطه )( يكفيكوا شره ..؟؟

يتبع ..