كانت بردا وسلاما
[2/9/2015 10:51:24 AM] شعر : محمد حيدر محيلانكانت بردا وسلاما يما ما كانت نار
بحياة الغالي ال امنته عندك بالدار
لا تبكي يما بعدي ... ابنك مغوار
وحياتك وحيات اخواتي وفيات الدار
ما رفت جفني يما قدام النار
واول ما هبت يما.. هبت ريحك
بردتْ لهايب قلبي من مديحك
كنت تصييحي يا يما .. ارفع راسك
هاي الناس المنحطة... ماهي ناسك
غُرة داعش ما وصلت لمداسك
يما انْ رفتْ جفناتي ما ني ابنك
يخسا التارك لدينه بأرضي يفنك
لو تطلع روحي كلسع ماني مهتم
بفدي الاردن برواحي وشلال الدم
كرمال اولاد اخوالي واولاد العم
وكرمال العقبة يما ولوادي رم
وكرمال الرمثا واربد والثنية
والنشمي القاعد بدرس والنشمية
وكلمن قاعد متهني حقو عليه
زفيني وهاهي يما وراسك مرفوع
هاي الدنيا رخيصة وما الها رجوع
والله يا يما صابر ماني موجوع
وافطرت بعرض الجنة ما حس بجوع
طلي ع بوي وقولي معاذ بخير
روحه تحوم بالجنة بحوصلة طير
لما شعْلَت داعش من حولي النار
طلْ المُرسلْ عليه وبروحي طار
أهدي سلامي ليكو وكل اصحابي
وكلمن يحزن عليه وع شبابي
ويا ريتك يما تقولي للناس
معاذ استشهد صابر مرفوع الراس
وما بدو يشرب غيرو من هاذا الكاس
أبَــدْ ما يهنا، ودينه وارضه تنداس
وقفتكو الحرة بتطفي جمر الاحساس
والاردن واهله صاروا نبراس
ماني معاذ الراضع من حليبك
وماني الحر الصقلتني بصمة ايدك
وما تعلمت المراجل من قصيدك
ان خنت بلادي وتركت ايدي ايدك
فردة بسطارك يما بوجه المرتد
تصفع افكاره السوده وسوره ينهد
خلي العالم يتعلم وقفات الجد
صبيان الداعش تجفل لومنه لَدْ
ولما يعدوا الفوارس معاذ نعد
بمليون محارب فارس محتد
يا يما ارفع راسك ارفع واعتد
خلي الدين الاسلامي نوره يمتد
كل ولادي وبناتي فدوى الاسلام
بدنا نستشهد مثلك اوعى تنظام
واحنا ع دربك نمشي ما بدنا ننام
ساحة النقاش