إقـــــــــــرأ كتـــــــــــــــــــابك

الطــلاق الحـــرام ... طــلاق البدعــة ... الطــلاق الباطــل
سمعت فيلم ( شئ من الخوف ) طيب شوفت لما الدهاشنة طلعت وهى ماسكه المشاعل و بتصرخ ... جواز عتريس من فؤادة باطل ... و بيكتبوا على الحيطان .... جواز عتريس من فؤادة باطل .... ربنا يكرمهم قريب وينتجوا لنا فيلم يقولوا فيه ( طلاق إبن الهبلة .. من بنت الأهبل باطل )هو إنت فاكر يا شملول يا حيلتها لما تدخل على مراتك عشان مسمتعتش كلامك ولا كلام امك ولا مطبختش اللى انت عايزه ولا صحيت متأخرة ولا ردت عليك فراحت واخداك الجلالة ونقح عليك عرق الرجولة اللى هو اصلا مبينقحش غير جو البيت ورحت واكلها جوز قلامه فراحت هى وخداها هيبة وجلال (القايمة ) اللى ابوها ممضيك عليها ورفستك ومصوته تلم الناس عليك ... فرحت صارخ فيها ... إنتى طالق ... إنتى طالق ... إنتى طالق ... وكان ناقص تروح مكرفون الجامع وتقولها ..... أهو الطلاق ده باطل وطلاق بدعة وانت مذنب فيه وحسابك عند ربنا عسير وإقتربت من الكافرين فى الحساب هو انتى فاكرة يا دلوعة أمك ... يالى مبتناميش غير لما تطفحى (قمع الأيس كريم بالشيكولاته ) وأبوكى أصلا استلف من طوب الارض ورهن وباع الأرض واقترض ... وبرد وشه على اللى ما يسوى وما يسواش .. عشان يجوزك ... وانتى لا شايفه جوزك ولا أم جوزك ولا معبرة حد وبتعملى بمزاجك اللى عايزاه وبتصحى براحتك ولما جوزك يعاتبك بشدة تقولى له لو كنت راجل طلقنى لو عندك كرامة طلقنى ولو مطلقتنيش هتصل بأبوى وإخواتى ييجوا يعلموك كيف تطلقنى ... فالراجل نقحت عليه كرامته ورمى عليكى يمين الطلاق ... انتى فاكر ده طلاق ... لا يا اللى خربتى بيتك وبيت أبوكى ده مش طلاق ده طلاق باطل وطلاق بدعة ... وانتى كالمعلقة لا ينفع تطلقى ولا تجوزى غيره ... لأنه طلاقك باطل وجوازك من غيره باطل نبتدى يا سيد الناس لا المرة دى لازم تركز معاى كويس.لأنها مُرة ... ومرارها طافح لما تعرف انى تسعين فى المية من حلات الطلاق اليومين دول باطلة ومحرمة وبدعة وترقى لدرجة الكفر .... نبتدى يا سيد الناس ....... نبتدى .... بص يا سيدى وانت بتقرأ الآية ( 231) من سورة البقرة بسم الله الرحمن الرحيم ((وَإِذَا طَلَّقْتُمُ النِّسَاءَ فَبَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ سَرِّحُوهُنَّ بِمَعْرُوفٍ وَلَا تُمْسِكُوهُنَّ ضِرَارًا لِتَعْتَدُوا وَمَنْ يَفْعَلْ ذَلِكَ فَقَدْ ظَلَمَ نَفْسَهُ وَلَا تَتَّخِذُوا آيَاتِ اللهِ هُزُوًا وَاذْكُرُوا نِعْمَةَ اللهِ عَلَيْكُمْ وَمَا أَنْزَلَ عَلَيْكُمْ مِنَ الْكِتَابِ وَالْحِكْمَةِ يَعِظُكُمْ بِهِ وَاتَّقُوا اللهَ وَاعْلَمُوا أَنَّ اللهَ بِكُلِّ شَيْءٍ عَلِيمٌ ركز فى قوله (( وَلَا تَتَّخِذُوا آيَاتِ اللهِ هُزُوًا )) هنا الخطاب للمسلمين الأية التانية فى سورة (الجاثية) بسم الله الرحمن الرحيم (({ وَيْلٌ لِكُلِّ أَفَّاكٍ أَثِيمٍ (7) يَسْمَعُ آيَاتِ اللهِ تُتْلَى عَلَيْهِ ثُمَّ يُصِرُّ مُسْتَكْبِرًا كَأَنْ لَمْ يَسْمَعْهَا فَبَشِّرْهُ بِعَذَابٍ أَلِيمٍ ( وَإِذَا عَلِمَ مِنْ آيَاتِنَا شَيْئًا اتَّخَذَهَا هُزُوًا أُولَئِكَ لَهُمْ عَذَابٌ مُهِينٌ (9) مِنْ وَرَائِهِمْ جَهَنَّمُ وَلَا يُغْنِي عَنْهُمْ مَا كَسَبُوا شَيْئًا وَلَا مَا اتَّخَذُوا مِنْ دُونِ اللهِ أَوْلِيَاءَ وَلَهُمْ عَذَابٌ عَظِيمٌ))ركز فى قوله (وَإِذَا عَلِمَ مِنْ آيَاتِنَا شَيْئًا اتَّخَذَهَا هُزُوًا ) هذا الخطاب للكافرين يعنى اذا اتُخذت آيات الله هزوا تساوى المؤمن فيها مع الكافر والجزاء هيكون بنص الآية التانية (({ وَيْلٌ لِكُلِّ أَفَّاكٍ أَثِيمٍ ..... وأى حد يقلك غير كده سيبه وإمشى لأن الجرم واحد وهو الاستخفاف والاستهزاء بكلام الله ............................................................

ربنا نظم لينا حياتنا وأمرنا باتباع هذا التنظيم واللى يخرج من الصف آثم إنت لما تتزوج بتعمل ايه .. بتبعت حد من تحت لتحت يقيسك النبض موفقين ولا رافضين وبعد كده زيارة فى حالة الموافقة ... وتروح سايب على الصونية ألف جنيه رسالة انها عجبتك ... بعد كده تقرأ فاتحة ... وتحدد ميعاد الشبكة وكتب الكتاب .. وبعد كده تحدد يوم الفرح والدخلة ... وهى بتعمل نفس اللى انت بتعمله بس باسلوب تانى عشان قوامة الرجل ... كل الاجراءات دى وانا مش ذاكرلك التفاصيل تنهار وتتخرب بكلمة واحدة وبسهولة .. إنتى طالق كنت فين لما شربت المر عشان اهلها يوافقوا وانتى كنتى فين لما أهلك شربوا المرعشان يجهزوكى ويختارو ليكى عريس مناسب طيـــب ايـــه هـــو الطـــلاق الحـــرام الطلاق الحرام هو اللى بيخالف الآية دى ..بسم الله الرحمن الرحيم {يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ وَاتَّقُوا اللَّهَ رَبَّكُمْ لا تُخْرِجُوهُنَّ مِن بُيُوتِهِنَّ وَلا يَخْرُجْنَ إِلا أَن يَأْتِينَ بِفَاحِشَةٍ مُّبَيِّنَةٍ وَتِلْكَ حُدُودُ اللَّهِ وَمَن يَتَعَدَّ حُدُودَ اللَّهِ فَقَدْ ظَلَمَ نَفْسَهُ}وأى شخص ( يطلق ) خارج حدود الآية دى يبقى طلاقه باطل وحرام وآثم ومرتكب ذنب وأغضب الله وتعدى حدود الله وقد وقع بين شرين ( شر الطلاق وخراب البيت ... وشر البدعة والحرام والإثم ) أولا شـــــــــروط الطـــــــــــــــــلاق 1 – أن تكون الزوجة طاهرة ولم تطئها فى فترة طهارتها يعنى لو مراتك فى بيتك و(جامعتها .. جمع بينكما فراش الزوجية ... نمت معاها .. عاشرتها معاشرة الازواج ) متهيئلى كده وضحت .... كده مينفعش تطلقها واذا طلبت الطلاق تقلها مينفعش لازم تحيضى ( تيجيكى الدورة الشهرية ) وبعد كده تتطهرى وبعد ما تتطهرى مينفعش المسك طول ما أنا هطلقك والطلقة تكون واحد ولا تقل انت طالق ثلاثة مرات جاء رجل إلى رسول الله صلى الله عليه وسلم وقال له طلقت امرأتى ثلاث غضب النبى صلى الله عليه وسلم وقال ايُلعب بكتاب الله وأنا بين أظهركم اذا اغضبتك زوجتك اسكت اخرج من البيت حتى تهدأ وتفكر وتتدبر قرارك وتستشر من تثق به فقد قال رسول الله اذا غضبت فأسكت2 – النفاس والحيض حكم واحد ... لا يجوز طلاق المرأة وهى حائض أو نفساء فعن عبد الله بن عمر رضي الله عنهما: أنه طلق امرأته وهي حائض على عهد رسول الله وسلم صلى الله عليه وسلم فسأل عمر بن الخطاب رسول الله صلى الله عليه وسلم عن ذلك فقال رسول الله صلى الله عليه وسلم: مره فليرجعها ثم ليمسكها حتى تطهر ثم تحيض ثم تطهر ثم إن شاء أمسك بعد وإن شاء طلق قبل أن يمس فتلك العدة التي أمر الله أن تطلق لها النساء. رواه البخاري.3- مفيش طلاق يقع الا بعد شهور العدة هى مراتك متى شئت راجعتها قبل شهور العدة وان شئت طلقتها 4 – لا تخرجوهن من بيوتهن ... صدق الله العظيم .. مفيش حاجة اسمها لو وقعت عليها يمين الطلاق تروح بيت ابوها ... تفضل فى بيتك .. وتكون أمين عليها ومتهنهاش وتكرمها لعل الله يحدث بعد ذلك أمرا ... واذا اصرت تروح بيت أبوها ابوها ملزم يرجعها ... لأنها لا زالت زوجتك ولا يحق له حبسها او منعها منك ... مادمت تراعى فيها حدود الله 5 – الحالة الوحيدة التى تروحها بيت أبوها .. إلا أن يأتين بفاحشة مبينة : أي إلا أن يؤذين بالبذاء في القول وسوء الخلق، أو يرتكبن فاحشة من زنا بينة ظاهرة لا شك فيها، مثلا: امرأة لسانها بذيء وطويل، تظل تلعن كل من في البيت: تلعن الزوج، تلعن والد الزوج، تلعن أم الزوج، فيشرع إخراجها، وكذا إذا زنت المرأة وهي تعتد في بيت الزوج، فللزوج أن يخرجها.... مَّا لَكُمْ لَا تَرْجُونَ لِلَّهِ وَقَارًا 6 - وأما قول الله سبحانه: وَمَن يَتَعَدَّ حُدُودَ اللَّهِ فَقَدْ ظَلَمَ نَفْسَهُ لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا {الطلاق:1} فمعناه: أن الذي يتعدى حدود الله ويخرج الزوجة المطلقة، .... أو الزوجة هي الأخرى إذا تعدت حدود الله وخرجت، فقد ظلم نفسه ........................................................................

إنت كمطلق ومخل بشروط الطلاق إثمك عليك ... ووزر ( لفظك ) عليك ... وحسابك على ربك انت مش بعيد من الآية التى وصف الله بها الكافرين ((وَإِذَا عَلِمَ مِنْ آيَاتِنَا شَيْئًا اتَّخَذَهَا هُزُوًا ))لأنها مذكورة فى من يخالف شرع الله فى الطلاق ..فى سورة البقرة ( وَلَا تَتَّخِذُوا آيَاتِ اللهِ هُزُوًا )

................................................................

اللهم بلغت اللهم فإشهد .... خذوا كلامى وراجعوه مع مشايخكم وعلمائكم فوالله ما قلنا الا الحق وما يرضى ربنا ويجنبنا المهالك والوقوع فى الكبائر عصمنا الله واياكم من خراب البيوت ويتم الاطفال وتشردهم وشقاء الزواج وعذاب الطلاق اللهم إجعل اخلاق زوجاتنا وبناتنا من صبرإمرأة فرعون رضى الله عنها واجعلنا من اخلاق وصبر سيدنا نوح عليه السلام