مين اللي قال

مين اللي قال ان البلد

              قبلت في يوم منهم قرار

مين اللي قال ان الولد

             يرضي بهوان فيه انكسار

مين اللي يقبل ينجلد

             والجلد جوه القدس عار

طول ما الايدين فيها الحجر

              طول ما القلوب مليانه نار

طول ما البلاد فيها الفجر

              والانتفاضة في كل دار....

فوق البيوت....

             فوق الشجر....

وف كل شبر من المدار....

               غصن الزتون لازم يعيش

ولابد يفضل فيه خضار

                     ارض الزتون ما بتنتهيش

ولايوم هتطرح فيه مرار

                      نور الصباح مبينطفيش

وان راح هيرجع .....

                   ميت نهار....