جارى التحميل
استخدم زر ESC أو رجوع للعودة
دمـعة علـي خـد القمـر
الحكاية مش حكاية قلب تاه وسط السفر
الحكاية م البداية ع اللي عافر في القدر
الى كانت كل كلمة من كلامة
فيها شوق يوصل سلامه
للنجوم ويا القمر
الحكاية دي حكاية سهم مارق في الخطر
لما قاللي يوم حكايته....شفت غايته
قلبة من العشق انفطر
كان مرادة من بدايته
انه يرفع بيكوهامته
وفي كلامه ويا صمته
في الضلوع ....قلبه انشطر
وبطموحة داس جروحة
عدي صمت الليل ببوحه
طاف بلادالله بروحه
سكت الكلام.... ضاع الوتر
ابتسامة وشه
لسه بتنور صباحي
كل ما اسهر ولا افكر
كل ما اكتب حرف واقدر
بالتحية في الكون....براحي
ذكرياته معانا ياما ....فيها دمعه وابتسامه
فيـها اه تجــر اه
وفي مداها نقول سلامه
ع اللي خلي قلوبنا ترجع
تبتدي في القول وتجمع
شمل كان محتاج علامه
تشتهي كلمة ملامه
م اللي قال في الحب ياما
جوه قلبه تعيش جراحي
كان صدايا وكنت صوته في الكلام والامنيات
كنت بشعر لما افوته بالحنين والذكريات
كنت بتامل سكوته....
تبتدي بينا الاهات....
لسه فاكر يوم ما قاللي....
ايوه عاوزك تفضل بينا....
ليه بتبعد وانت خلي
واحنا منك وانتا منا
لسه فاكر يوم ما جاني والتقاني في الطريق
قاللي راجع ليكو تاني اصل بحر الشوق غريق
نزرع فيه الاماني للصديقه والصديق
بكره نجني معاك معاني....
تتوحد مهما تضيق....
كان مقدر ليك وكان
تبتدي سكه رجوعك
كان مقدر ليك كمان
تنهي في الكون دموعك
لسه عطرك في المكان
لسه باقي وفي ضلوعك
لسه بحس بامان
يكفي كل الكون....
شـــــــموعـــــــــــــــك....
المصدر: نفرتيتي يامي
