خالديات ....
خبز مرقوق
..............
انشق الفجر والشمس نعساني
يصبّح ايادي الخير والفرحة
والمرج عبّى النّدي قناني
يطرش غفاها تفيق نقزاني
معرّى كَوَرْها من الضو خجلاني
وتنور دخانو يلبِّسا طرحة
............. ........... .........
يوعّي الجرد صوت خبز مرقوق
وترقص بيادر قمح مفتوني
تنثر غَبَرها طحين بالشاروق
بدمعة فرح ت تصير معجوني
........... ........... ............
وانقز طفل ع ضحكة الجيران
قبل ما الديك يصيح ملتمّي
كانو ع صدر الوفا نيشان
ت يساعدو امّي يسبقو امّي
........... ......... ............
هيك كانو للعطا قدوة
نوايا بطيب الحب مشروكي
واليوم البشر محّت النخوة
وبعضون بشرع الكره ممسوكي
ايام ما بتعود
ما بقا الها وجود
ضاعت النخوة
