عـدســـات
بلاش نحلم ونتمنى
ونتحايل على الايام
ترجعنا ف ليله لبعض
هوانا هناك على المدنه
ومتكفن باوجعنا
وليه ضعنا ..
.ومين باعنا
ووزع دمنا ساده
وفرق شملنا رحمه
على روحى وعلى روحك
بقينا خلاص انا وانتى
بقايا ذكريات اتنين
دانا وانتى وطابور العيش
ولقمه كنا قسمنها
وغمسنها ف افراحنا
وكنا قليلنا راضينه
مدام بكره هيجمعنا
ماهش فارقه
ننام والبرد يقرصناوايه يعني
هنتدفى باشواقنا
ومش طلبين من الدنيا
لا تضحك ليله ولا تبكى
تسبنا بس على حالنا
رسمنا طريقنا سكتنا
لاهو مفروش غنا والحان
ولا احلامنا ورديه
ولا بصينا ف مرايه
سرقنا حلم ناس تانيه
حسبنا الحسبه ميت مره
وميت مره تغالطيني
وبتقولى
قليلنا كتير قوى علينا
وف عنيكي
لمحت قناعه الدنيا
واتارى عنيكي كات عدسات
بتقدر بس تخدعنى
وكل ما عيني تيجي تفوق
بتدى لقلبي
كبسولةامان او صبر
وبترصى الامانى ف قبر
جوه ف متحف الدنيا
ودلوقتى بتبكيلي
وتترجيني لو اسامح
قوليلي ازاى انا الاول
اصدق ان دى عنيكي
ومش عدسات
ساحة النقاش